وطنده اؤلمک عزتدیر!

عجب گؤزل یئتریب گردشِ زمانه سنی
زمانه میزده سانیر خلقیمیز یگانه سنی
محبتینله کؤنوللر دولوب، اونوتمایاجاق
نه بیر رفیقِ حقیقی، نه اهل ِِ خانه سنی
وطنده نامِـ نشان ایله اؤلمک عزّتدیر
دیارِ غربته کیم سالدی بی نشانه سنی
جوانلاشاردیم، الیم چاتسا، مهرسیز فلگه
سبب نه دیرکی، سالیب دردِ بی امانه سنی
غرضله ائو ییخانین خانمانی اودلانسین
کی، قویدولار گؤزو حسترتله خانمانه سنی
سن اولماساندا، خیالین بیزیمله همدم دیر
ا گر کی، محنتِ غربت یئتردی جانه سنی
بلای هیجره گرک صبر قیلسین عاشیق لر
بو، ایشده، بلکه، چکیب بختین امتحانه سنی
باهارِ عؤمرونو، واحد، فلک خزان ائله دی!
یئتیردی بولبولِ شیدا بو جور و فغانه سنی