منو
اهلِ حاله یازیم!
دئدیم کی، بیر نئچه سؤز یارِ مه جماله یازیم
دگیشدیم هیجر غمین، لذّتِ وصاله یازیم
شراب ذؤقو ایله هر دقیقه سرمستم
بو ذؤقودن یازابیلسم، نئچه پیاله یازیم
شرابی چوخ ایچیرم، بلکه محنتیم آزالا
اولاندا مست بو حالی بیر اهلِحاله یازیم
فلک منی ائله تنها قویوب کی، قورخوم اودو
بو عؤمرومون گونشی تئز گئده زواله، یازیم
کؤنولده آهیم اودو، گؤز یاشیم آخیر دایم
بیرینی سوزشِ حسرت، بیرین شلاله یازیم
خیال ایچینده اؤزوم قالمیشام ترّددّوده
خیاله غرقم، عجب، هانسی بیر خیاله یازیم؟
خیالدان یئنه واحد، تسلی تاپماق اولور
نئچین فرح یئرینه دایم آه و ناله یازیم؟