نور ساچ ستاره کیمی!

ظاهیرین دوز گؤرونسه ده، آمما
ایچه رین دیر میناره کیمی
گونش اول، کائناتی یاندیرما
بومبالاردان چیخان شراره کیمی
جهد قیل خلق ایچینده یکرنگ اول
لکه اولما آغ اوزده قاره کیمی
نئی کیمی ناله ائتمه گین خوشدور
آتلیب، دوشمه بوش نغاره کیمی
بولود اولما اوزونده دونیانین
نور ساچ آی کیمی، ستاره کیمی
هئچ کسین روحون اینجیدیب، یورما
بیر پارا لنگیدن ایداره کیمی
واحد، اؤز خالقیمین منافعینه
ایندی دن تاوارام مزاره کیمی!