منو
باخارام بیر گوله سندن غئیری!
گؤزلیم، وارمی بیر عاشیق سنه مندن غئیری؟
اؤلرم، باخسام ا گر بیر گوله سندن غئیری!
کؤنلومو قان ائله ین وارمی بو عالمده مگر؟
بیرسنین تک اوزو گول، غنچه دهندن غئیری
اؤزگه بیر دلبر ایله کؤنلوم آچیلماز سنسیز
نه گرک بولبولِ شیدایه چمندن غئیری؟
اؤزگه‌لر لذّتِ وصلینله صفالر چکدی
منه هیجرین نه وئریب درد و محن دن غئیری!؟
دردِ هیجرانینی دا کؤنلومه تاپشیردی فلک
الینی دامنِ وصلیندن اوزندن غئیری؟
لبلرین نشئه سینی پیرِ مغاندان خبر آل
باده، ذؤقون نه بیلیر، رندِ کهن دن غئیری؟
واحد، عالمده بیر انسانلیغا خدمت قالاجاق
وارمی بیر شئی آپاران قبره کفندن غئیری؟!