شیرین غزل

گؤزلیم، ائل دوُیار آخیر، منه آز قاش گؤزایله!
بیرده آلدانمارام، اؤلسه م ده، وفاسیز گؤزله
آلاجاقسان، بیلیرم جانیمی مین ناز ایله
چوخ گئجیکدیرمه، گولیم، هرنه بیلیرسن، تئزایله
چیخ چمن سئیرینه، بولبوللر اؤلور دردیندن
خسته عاشیقلرینین روحونو گولدور، تزه له!
نازایله گُول، بیزیم ایللرده ده گوللر گولسون
سولسون اغیارین آچیلمیش گولو، دؤنسون خزله
بو گؤزل اؤلکه یتیرمش بو ملاحتده سنی
هر پریچون بو سعادت، بونو بیل، دوشمز اله
اینجییوب مندن، ایشیتدم، او گؤزللر گؤزلی
آرامیز، بلکه، بو گونلرده گمان وار، دوزه له
ده لی جئیران کیمی نازایله، او سوزگون باخیشین
واحدین شؤقونو آرتیردی بو شیرین غزله