منو
قارا گؤزلردن!
گؤزلیم گول یاناغین قیرمیزی دیر مخمردن
دوداغین لعل دن آرتقدی سینه ن مرمردن!
گولده وارسا نه گؤزللیک، گؤزلیم سنده ده وار
دیٔ گورک، بیر نیین اسکیکدی گول احمردن؟
دهنین غنچه، بئلین اینجه، اوزون گول کمی تر
ساچلارین سنبلو آواره سالیب چؤللردن
اهلِ عشقه بو قدر ناز ائلمک یاخشی دئییل
بسدیر انصاف ائله، ال چک بو یامان شاکردن!
نئجه اغیاره باخیرسان، گؤزلیم، قان اولماز
گؤز اوجویلا بیزه ده بیر نظر ائتسه ن هردن
عشق زنجیرینه یوز دفعه گرفتار اولسون
منه هر کیم دئسه، ال چک بو قارا گؤزلردن
بو پری چهره‌لر عشقینده گؤزل دیر، واحد
غزلی سن دئیه سن، من اوخویوم ازبردن