منو
ائتمه پریشان زلفون!
خبرین یوخ، گؤزلیم کؤنلوم ائدیب قان زولفون
ائیله‌مه گول اؤزونه بیرده پریشان زولفون
یئتمه سین کامه. وصالیندان ائدن عاشیقینی
راضی یام کؤنلوم ائوین ائیله سه ویران زولفون
ال ووراندا، سن اونا، نازیله، کؤنلوم اوزولور
نازنینیم، داها ترپتمه صبادان زولفون
داییماً مست گؤزون، فتنه‌لر اؤیره تمیش اونا
اوسببدندیر، ائدیب عالمی حیران زولفون
سنه بیر دفعه باخان، عاشیقی، مین درده سالیر
عادت ائتمیش بو جفا ائتمه گی چوخدان زولفون
ایسته‌دیم بیرده تماشا ائله ییم گول اؤزونه
گور، نه ظالیمدی منه، وئرمه‌دی امکان زولفون
دردلی واحد کیمی، هر گون، دلی دیوانه اولار
گؤرسه گر، بیر دفعه هر، عاشیقِ نالان زولفون