تانری غنیم اولسون!

یارین سرِ کویویندا گرک مسکنیم اولسون
جنّت آدی چکسم، منه تانری غنیم اولسون
دئرلر منه، معشوقون اولوب غئیریله همدم
انصاف می، یار ئوزگه سینین، آد منیم اولسون؟
حال اهلی ا گر اولسا رقیبیم، توتارام دوست
من ایسترم حال اهلینی، خود دشمنیم اولسون
من ایسته مرم لعلِ لبِ یاردن اؤزگه
دونیادا نه دؤلت، نه ده بیر معدنیم اولسون
سن اولماسان، ای گول، منه هر یئرده خزاندیر
سنسیز نه باهاریم، نه گولوم، گولشنیم اولسون
وار اؤزگه صفاسی، اولا بیر گوشهٔٔ خلوت
بیرتک من اولام، بیرده او سیمین تنیم اولسون
واحد! بو تمنادایم، عهد ائتمیشم، اؤلسه م
جانان ایله بیر یئرده گرک مدفنیم اولسون