منو
عاجیزین آهیندان قورخ!
یاشاماز عاشیق اولان دؤلت ایله جاهه گؤره
جان فدا ائیله‌مه، مهری یوخ اولان ماهه گؤره
سئوسه لیلاسینی، مجنونه مذمت یوخدور
باشقادیر نیّتی قلبینده بو دلخواهه گؤره
سئوگیلیم، عاجیزِ بیکس لرین آهیدان قورخ
ییخلار ظلم ائوی مظلوم ائله ین آهه گؤره
ایسته سن عالمی، قوی ایسته سین عالم ده سنی
قلبی یانماز بشرین جاهیلِ گمراهه گؤره
نازنینیم، گؤزلیم، خلقینه بد خواه اولما
یوخدور هئچ کیمسه ده رغبت یئری بدخواهه گؤره
قاشلارین خلقی قیلینج دان کئچیریر خالین اوچون
جان وئریر مینلری بیر ظالیم اولان شاهه گؤره
عشقدن واحدی تنقیدایله ا کراه ائتدین
عقلی گلسین باشینا، بلکه، بو اصلاحه گؤره