منو
نو باهار ایستر کؤنول!
دیل بیلن، سؤز آنلایان بیر نازلی یار ایستر کؤنول
لاله دن، گولدن گؤزل، بیر نو باهار ایستر کؤنول
اعتبارین گؤرمه ینجه سئومرم بیر دلبری
نازنین مه پاره لردن اعتبار ایستر کؤنول
هر قارا زولفون اسیری اولمارام بوندان سورا
ایندی عالم اؤزگه دیر، خوش روزگار ایستر کؤنول
اویناییوب، گولمک، دانیشماق، عیش و نوش ایامیدیر
بولبولِ شیدا کیمی مین لاله زار ایستر کؤنول
هر طرف گولدور، چیچک لیکدیر، بو آزاد ئولکه میز
دائم اؤز خوشبخت خالقین بختیار ایستر کؤنول
بیز سووه ت خلقین حقیقتله سئوون عاشیقلریک(١)
خاینی، ادنانی یوردومدان کنار ایستر کؤنول
بخته ور، واحد، اوکسلردیر بو خوش عالمده کیم!
هر زامان بوشن حیاتی پایدار ایستر کؤنول!
١مصرع بو شکلیده ده قئید اولموشدور:
بیز وطن مولکون حقیقتده سئون عاشیقلریک