منو
عهدیمه مردانه وارام!
فیکر ائدردیم، اولاجاقسان منه جانانه، گؤزل
غئیرلر ائیله‌دی مندن سنی بیگانه، گؤزل
من دئدیم، قسمت اولار، عؤمر ائله ریک دونیادا
عاقبت الدو بو عهدیم منه افسانه، گؤزل
سن ا گر بولبول ایدین، من ده سنه بیر گول ایدیم
بولبوله دردی وئریب، خاری گولوستانه، گؤزل
ائتدیگین سهوینی آخیردا بیلرسن اؤزون
بیوفالیق یاراشان شئی دئییل انسانه، گؤزل
نه قدر سن منی هیجران اودونا یاندیرسان
تاب قیللام، ا گر ائتسن منی پروانه، گؤزل
یئنه گئت فیکر ائله، من واحدم عشقینده سنین
وارام اؤز ائیله دیگیم عهدیمه مردانه، گؤزل