منو
دیوانهٔ دورانم من!
دلبرا! آتش عشقین ایله سوُزانام من
یانیرام، رحم ائله، قویما بو اودا یانام من
باغلاییب سان منی زنجیرِ سرِ زولفون ایله
او سببدن بئله دیوانهٔ دؤرانم من
رحمه گَل، تؤ کمه ناحاق، قانیمی اؤز عاشیقینم
گئجه گوندوز سر کویوندا نگهبانام من
بیرده گر کویونا جنّت دئسم انسان دئییلم
ای جفا پیشه، بو بیر سهوه پئشیمانام من
بیر نگاه ایله گؤزون عالمه مین فتنه سالیب
بو نئجه فتنه وجادودو کی، حئیرانام من
ای گولِ غنچه، جفا و ستمیندن دایم
بولبول آسا چمنِ عشقده گریانام من
واحد، اومید وصالیله خوشام جانانین
تا او گؤندن کی اسیرِ غمِ هیجرانم من