اؤزاقلاش بیوفالاردان!

دلا! منّت چکینجه سن وفاسیز آشنالاردان
یاخینلاش درگهِ حقّه، اؤزاقلاش بی وفالاردان
هر آهو گؤزلونون زنجیرِ زولفون مشک ظّن ائتمه
اسیری اولمامیش، جهد ائت، قوتار جانین خطالاردان
آیاق توتدوقجا وار، قاچ، هردنی خصلتله یاراولما
صداقت، مرحمت اوُمما، بو مسلک سیز گدالاردان
زمانه اولسا رأیینجه، سنینله یار اولور عالم
یامان گونده بوتون، اوز دؤنده رلر بینوالاردان
خطادیر ایندی هر نا اهله دیل وئرمک، رفیق اولماق
گدالیق دیر دیانت گؤزله مک، هر بی ادالاردان
بوتون اوضاعِ عالم خلق اوچون بیر درسِ عبرت دیر
گره کدیر امتحان آلماق، توکنمز ماجرالاردان
ا گر جنّت اولا عالم، صفا و ذوقدن واحد
بیزی طالع آییرماز، بیر زمان محنت سرالاردان