منو
دوشدوم بلایه من!
دل وئرمه سه یدیم اول صنمِ مه لقایه من
آسوده یئرده دوشمه زایدیم مین بلای من
هر شب ستاره تک تؤ کرم اشگ دیده دن
تا صبح اولونجه بیلدیر م حالیم اول آیه من
شاید اؤپم او ماه رخون خاک پایینی
دوشدوم آیاقلار آلتینا مانند سایه من
دوشدوم کمندِ زولفونه بیرآهو گؤزلونون
سالدیم بلالی باشیمی یوز مین بلایه من(١)
سنسیز گونوم قارالسین، ا گر قاشلارین گؤروب
باخسام فلک ده گردش ائدن تازه آیه من
بیچاره کؤنلومو گئری آلسام هئچ اؤلمرم
زولفون گؤره نده وئرمیشم اول دلربایه من
مه پاره لردن،آه، نه‌لر چکمه‌میش کؤنول!
واحد، اینانمیرام داخی هر بی وفایه من
١بیت بو شکلیده ده قئید اولموشدور:
اؤیدوم کمندِ زولفونه بیرآهو گؤزلونون
سالدیم بلالی باشیمی یوز مین خطایه من