منو
بو غریب اؤلکه ده!
صبر قیل غربت آرا، محنت و هیجرانه، کؤنول(١)
بیرده مشکل یئته ال دامنِ جانانه، کؤنول
یوخدو بیر کیمسه سورا حالِ دلیم غربتده
بو غریب اؤلکه ده آخیر گلیرسن جانه، کؤنول
خالقا درمانی وطن ایچره وئریب قالدین عجب
ایندی محتاج، غریب اؤلکه ده درمانه، کؤنول
ائله دین آیری منی عارضِ گولناریمدان
یئری واردیر، دؤنه سن ایندی قیزیل قانه، کؤنول
لیلی وش بیر صمنین زولفونه دل وئردیکده
اولموسان گؤرنئجه مجنون کیمی دیوانه، کؤنول
چک گیلَن، شانه، غمین، زولفِ جفاسینی گؤروم
نییه بند اولدون او گیسویِ پریشانه، کؤنول
واحیدین پندینه گوش ائیله‌مه دین، هر چی دئدی
توتدون هرگون اؤزونه صحبت افسانه، کؤنول
١غزل اورتا آسیادا یازیلمیشدیر.