گلدی غمدن گؤزلیم قورتارا دیوانه سینی(١)
گؤردو اؤز شمعینه یاندیریغی پروانه سینی
منیم افسانهٔ عشقیم بویوروب مملکتی
لیلی مجنونون اونوتماق گرک افسانه سینی
ای ییخان کؤنلوم ائوین، ایندی گل آباد ائیله
دایمی ائیلهمه ویرانه بو غمخانه سینی
بولبول ایستر گولو، ذؤق اهلی سئور جانانی
هر بیر عاشق سئور اؤز سئوگیلی جانانه سینی
عشق پیمانه سیدیر عاشیقی سرمست قیلان
آلما دهرین اله، غم غصه لی پیمانه سینی
اهلِ فقریک، بیزه بو کنجِ قناعت خوشدور
نئیلیریک شاهلارین آلتون دولو کاشانه سینی
خالقا گؤز یاشی ایله دامِ ریادیر، قورموش
واعظین سانما عبث سبحهٔ صد دانه سینی
منجه، واحد، یئنه میخانهلر آباد اولسون
ترک قیل زاهیده اؤز مسجدِ ویرانه سینی
١بو مصراع شاعیرین اؤز دیلیندن :
گلدی زنجیردن آزاد ائده دیوانه سینی.