بت معجزه نما

گون جمالین گؤرسه، جانا، مه یقین ائیلر حیا
اخذ ائدر چونکی مه و خورشید رویوندان ضیاء
سن مسیحا نطقسن، احیا ائدرسن مردهلر
کیمدیر عیسی کیم، سنه همتالیق ائتسین دلبرا!
زولفونو چک بیر کناره صفحهٔ روخساردن
عاشیقه معشوقه سی ائیلرمی بو قدری جفا؟
بند اولوبدور مرغِ دل، زنجیرِ دامِ زولفونه
بیر ترحم قیل منه، گل، ای بتِ معجزنما
چوخ سنین تک نازینین لر ناز ائدیبدیر عاشیقه
گلجه یین خط رویونا چکمیشله خجلت برملا
دلبرا، اینجیتمه، بسدیر، بو دلِ صد پاره نی
سن طبیبِ رحم دل سن، ائیله دردیمه دوا
واحدا، ائتمه تمنا بیوفا معشوقه دن
خوبرولر بیوفادیر، بیوفادیر، بیوفا