ای مه لقا!

زولفونه مشک ختا سؤیله دی، قیلدی خطا
زولفونون بیر تئلینه مشک اولا بیلمزدی بها
دل پرخونیمی سوراخ قیلیب غمزن اوخو
نئی کیمی جسمیمه ووردوقجا ائدرآه و نوا
دؤنه – دؤنهاورگیم قان اولو گؤردوکده لبین
لعل نابیندان آلیب باغدا گول، ذؤق و صفا
تاغِ قاشین کیمی خم اولدو قدّیم گؤردوکده
سجده ائتدیکده او خم قاشینا، ای ماه لقا!
زولف تک اینجه لیب هیجرینده بو نازیک بدنیم
وار اومیدیم، یئتره وصله منی باد صبا
سر کویوندا گدالیقدا قبول ائیله منی
کیم کی شاه اولسا، نیگاریم، اونا لازیمدی گدا
متصل واحده جؤر ائیله مک اولموش کارین
بسدی بو ظلم و اذّیت، بو قدر جؤر و جفا