زنجیره باغلانان دیوانه!

منه هردن باخیر اول سئوگیلیم، بیگانه – بیگانه
قیزیل قانلار ایچیردیر کؤنلومه پیمانه – پیمانه
الی داشلی اوُشاقلار دوشموش آرخامجا، دئییرلرکی
بودور زنجیرِ زولفه باغلانان دیوانه – دیوانه
گول اوزلو یارایله هم ساغر اولماقدان بو دور قصدیم
اورک سیرّین اونا شرح ائیله ییم مستانه – مستانه
گؤروب رسوای عالم اولدوغوم طعن ائیله ین چوخدور
دوزه لدیبدیر هره حقیمده بیر افسانه – افسانه
دیل آچمیش شعله دن گویا، آخیتمیش شمع گؤز یاشی
یانارسان، احتیاط ایله دولان پروانه – پروانه!
نه قالموش مولکو دارانین، نه تخت و تاجی جمشیدین
هانی شداد و فرعوندان قالان کاشانه – کاشانه؟
وفادان دؤنمه ره م، واحد، ا گر یوز مین بلا چکسم
وارام جانان یولوندا من یئنه مردانه – مردانه