نه یی وار؟

کؤنول، بو ناز ائله ین مه لقالرین نه یی وار؟
جفادان اؤزگه، بو زولو قارالارین نه یی وار؟
بیر آزجا، غم داغیندان، بونلارین گؤزلیگی دیر
بودا گر اولماسا، بو بی وفالارین نه یی وار؟
یئنه تسلی وئرن عاشیقه، گؤزللردیر
کی، یوخسا غصه چکن، مبتلالارین نه یی وار؟
شکسته نئی کیمییم، باشقا همدمیم یوخدور
هاوایِ عشقه دوشن، بی نوالارین نه یی وار؟
اومیدِ مهر و وفا اوُمما آشنالاردان
اؤزون ده فیکر ائله گؤر، آشنالاریننه یی وار؟
صدای موسیقی ائتسین گرک کؤنوللری جزب
اورک سیخان، یولو خارج، صدالارین نیی وار؟
اوزونده دلبریمین طره لر، تعجبویم
خزینه اوسته بو کج اشدهالارین نه یی وار؟
رقیبی قویمایینیز، کویِ یارا یول تاپسین
بهشت ایچینده بو خاین گدالارین نه یی وار؟
عموما خدمت ائله، قورخما، واحد، آرتارسان
اؤزو، اؤزون، به یه نه ن خودنما لارین نه یی وار؟