منو
وفا نشانه سی!
وفالیسان، گؤزلیم، چکدیم امتحانه سنی
وفاده تک یئتیریب گردشِ زمانه سنی
بو اعتبار اولابیلمز بیر اؤزگه دلبرده
من ایندی بیلمیشم اؤز کؤنلومه یگانه سنی
رقیبلر گؤزونه کیرپیگین باتیر اوخ تک
وفاده گؤستریرم هر زمان نشانه سنی
غریبه جاذبه واردیر گؤزه للیگینده سنین
برابر ائیله مک اولماز بیر اؤزگه جانه سنی
سنه بشر دئسه‌لر ظلم ائدیبلر حاقیندا
طبیعت عاشق اولوب، گؤندریب جاهانه سنی
بو آرزودایام، ای گول، همیشه شاد اولاسان
زمانه محنتی دؤندرمه سین خزانه سنی
صداقتینده دایاندین، رقیبه سیّر دئمه دین
ائلین شماتتی گر چی گتیردی جانه سنی
دئین دئمیشدی منه: سؤ گیلین وفاسیزدیر
سالار او گول یئنه، بیر گون گلرکی، قانه سنی
سنین صداقتینی واحده اؤزوم دئمیشم
اودا سئویر، گؤزلیم، ایندی غایبانه سنی