دم اولاندا

ای گول، یانیرام غئیرایله سن همدم اولاندا،
بولبول آلیشار خار ایله گول محرم اولاندا.
چوخلار الوب اول زلفِ پریشانین اسیری،
ییغ، توپلا بو مجنونلاری فیکرین جمع اولاندا.
تر قطره سی وئرمیش اوزونه باشقا لطافت
گول یارپاغی زینتلی الور شبنم اولاندا
تک لیکده جهنم گئچیر عشق اهلینه هر یئر،
یارایله اونا جنّت اولور با هم اولاندا.
جانانه اورک سیرّینی دمسیز دئمک اولماز،
جان اهلی جسارتلی اولورموش دم اولاندا.
دوشمن اولا دونیا قدری، اونلارا باتماز،
هر گاه ایکی دوست آراسی محکم اولاندا.
بیر نازیله جان قویمادی منده هله گل، گؤر،
عالم نه اولور اورتادا یوز چم خم اولاندا.
قیمت وئریر اول قاشی هیلالین سنه، واحد،
باشین آغاریب اونداکی، قدّین خم اولاندا.