چیخ تورپاغیمیزدان!

چیخ، ای قان ایچن یرتیجی، چیخ تورپاغیمزدان!
خاین گوزونو چک ده ره میزدن، داغیمیزدان!
قارتال کیمی قوننوق دؤشونه، قورخ اوگونوندن
قورتارماز او مردار جسدین جایناغیمیزدان
بیز حیله یه آلدانماریق، ای تولکودن آلچاق
بورنون بو یاخیندا ازیلر توخماغیمیزدان
بیر بومبا کیمی پارتلایاجاقدیر،اورگینده
هر خردا قیغیلجیم کی، قوپور چاخماغیمیزدان
غصب ائیله دیگین یئرلری تئز قایتاراریق بیز
بوش یئل کیمی چوخ کئچمه بزیم سول ـ ساغیمیزدان!
خالق اوردوسو بیر داغ کیمی دورمش سنه قارشی
سئل تک آخاجاقدیر قانینیز قورشاغینیزدان!
چوخ چکمه یه جک، محو اولاظلمو فاشیزمین
دنیا چیخاجاق، خوش گونه آل بایزاغیمیزدان