مه رولارا سردار

خالق آراسیندا منی روسوا قیلان بیر یاردیر
عالم ایچره فرقهٔ مه رولارا سرداردیر
رحم یوخ، انصاف یوخ، هر گون جفا تیغین چکیب
دایماً قانلار تؤ کن بیر ظالیمِ خونخواردیر
یوز جفا ائیلر، گؤروب هر یاندا بیر اهلِ دلی
یوخدو بیر کسدن هراسی، اؤیله کیم غداردیر
چوخ چتیندیر اهلِ عشاقین سلامت اولماغی
هر قدر کیم اول پریزاده جهاندا واردیر
مین کیمه، یارب، ائدیم، بیلمم، شیکایت دردیمی
بوسبوتون عالم الیندن اول پرینین زاردیر!
بند ائدیبدیر زولفونه کؤنلوم قوُشونو اول صنم
گوئیا، کؤنلوم اولور منصور، زولفو داردیر
عاشیقیندن اوزمه ال بیگانه وار، ای سرو قد
هر نه اولسا، واحدِ بیچاره خوشرفتاردیر