قانا قان ائتمه

قارا زولفون اومه رخساره، ای گول، سایه بان ائتمه!
هلالی ظلمت شبده بولوت ایچره نهان ائتمه!
لبیندن دیشله دیم، قان ائیله دیم، سانکه خطا ائتدیم(١)
آماندیر، سن داها گل تؤ کمه قانیم، قانه قان ائتمه!(٢)
او گول روینده کی خال سیه دن احتیاط ایله
بهشتین باغینا هندونو، گؤزله، باغبان ائتمه!
غمیندن تنگه گلدیم، سرو بویلوم، بؤیله ناز اولماز
ترّحم ائیله، کویندا گؤزوم یاشین روان ائتمه!
کؤنول، وهم ائیله جانیندان، دوشرسن صیدوش دامه
گئدیب هر نا کسین زولفون اؤزونه آشیان ائتمه!
آپاردی کؤنلومو زولفون خیالی، ظالیم، انصاف ایت!(٣)
هیچ اولمازسا،آلوبسان کؤنلومو،گل قصد جان ائتمه!
رقیبین باشقادیر کویندا گزمکدن تمناسی
اینانما، سسئوگیلیم، هر خائنی محرم گمان ائتمه!(۴)
اؤزون، واحد! مقصرسن، سنه جانان نه جؤر ائتسه
کؤنول وئرمه گؤزللر زولفونه، آه و فغان ائتمه!

مصرع بو شکلیده ده قئید اولموشدور:
١لبیندن دیشله دیم، قان ائیله دیم، سانکه خطا قیلدیم
٢آماندیر، ظالیم اولما، توکمه قانیم، قانه قان ائتمه!
٣آپاردی کؤنلومو زولفون، آظالیم، باری انصاف ایت!
۴اینانما، سه وگیلیم، هر خائنه، محرم گمان ائتمه!