علم

قارداشیم تحصیل علمه آچ گوزون امداد قیل
علم اوخی بالمرّه جهلی خاطریندن یاد قیل
علمسیز انسان اولور دائم بلایه مبتلا
علم ایله دردی کنار ائد غملی گونلون شاد قیل
کوهله نی نفسی دایاندیر عقلی پارلاق ائد گوزوم
علم ائوین آباد، جهلین خانه سین برباد قیل
مستسن غفلت شرابیندان همییت وقتیدر
هوشیار اولماقلیقا ئوز خلقینی معتاد قیل
قیل وطن اولادینا تعلیم و علم و صنعتی
جهلیدن قایتار تمامین علمده اوستاد قیل
غیرلر ایجاد ائدیرلر تلکراف. تلفون مدام
سنده بیر مکتب وطن اولادینا ایجاد قیل
خلقینه فرصت واریکن خدمت ائد واحد مدام
تا که سنده بو صداقتله جهاندا آد قیل