منو
سنی نئیلر، منی نئیلر؟
چشمین که آلیر نازیله جان، شیوه نی نئیلر؟
مشگانین اوخوندان ییخیلان شیوه نی نئیلر؟
سروِ چمنه قامتین افتاده سی باخماز
محتاجِ تماشایِ روخون گولشنی نئیلر؟
سن جؤر ائله، من یالواریم حقه، سن اینانما
تانریم، گوره ک، آخیر سنی نئیلر، منی نئیلر؟
دفن ائیله‌مه، اولسام سرِ کویوندا شهیدین
عریان گرک عاشق، کفنی، مدفنی نئیلر؟(١)
جانی، تنی نذر ائیله مشیم راهِ وفادا
یارین سئون عاشیق دخی جانی، تنی نئیلر؟
غم پیرهنین سئیلِ سرشک ایچره بوراخدیم
گردابدا غرق اولسا گمی، یئلکنی نئیلر؟
اؤز دوستی کی، مین جؤر ائله‌دی واحده، کئتدی
قیل ایندی تصور اونا، گؤر، دوشمنی نئیلر؟
١مصرع بو شکلیده ده قئید اولموشدور:
عریان گزه ن عاشق، کفنی، مدفنی نئیلر؟