منو
هر نه ائیله سن دؤزرم!
نه عیبی وار، گؤزلیم، هر نه ائیله سن دؤزرم
یولوندا حسرت ایله، عشق چؤللرین گزرم
بو قانلی چشمیم ایله، هیجر داغی سینه مده
چمن چیچک لرینی لاله‌لر کیمی بزرم
رقیب لر دئییل، اؤز بختیمیز آییردی بیزی
دوشونجه سیز دئییلم، اینجه مطلبی سئزرم
جهانی بوغسادا طوفان، منی او قورخوتماز
نه نوع جوش ائیله سه، عشق دالغاسین اوزرم
اینانما، واحد، او شوخه، وفاسی یوخدور اونون
ملک ده اولسا، من اوندان اومید الین اوزرم