منو
دئییلم بیگانه!
عاشیقم، حُسنونه ای گول، دئییلم بیگانه
یانیرام آتشِ عشقه، نئجه بیر پروانه
دئمه‌دیم بیر کسه زولفونده اسیر اولدوغومو
ایسترم، سیرّیمه یول تاپمایا هر دیوانه
نه جفا چکسه وفا اهلی، بلادن قاچماز
رحمت اول کسلره، هر درده دؤزوب مردانه
زایرِ کویون اولان جنّته رغبت قیلماز
عاشیقِ وصلین اولان مئیل ائله مز رضوانه
قلبیمین شیشه سی ذؤقِ مئیِ عشقینله دولوب
اوُنودارمی سنی، شؤقونده اولان مستانه؟
لبلرین، باده. مضر اولدوغون، اؤیرتدی منه
اوُدوزوب عقلیمی مئی، زایل ائدیر پیمانه
واحد، آیدیندیر، اوُزاتماق نه گرک مسئله نی
خوشلاماز خلق، ا گر اولسا اوُزون افسانه