منو
سهنده مکتوب
سهند، سؤزلریندن اودلار تؤکولدو،
اوخودوق شعرینی گؤز یاشلاری‌یلا.
آتا مالی کیمی یاری‌یا بؤلدو،
قارداش عینی دردی قارداشلاری‌یلا.
یازدین، عینی دردی یاشایاق باهم،
قارداش قارداشی‌یلا هم‌فیکیر اولار.
سنین دۆشونجه‌ندی منیم دۆشونجه‌م،
دردلر بیر اولاندا فیکیر بیر اولار.
او آجی فریادلار، شیرین نفسلر
منیم ده کؤنلومون آهی، ناله‌سی!
قارداشیم، تبریزدن گلن بو سسلر
باکی‌نین سسیدیر، باکی‌نین سسی!
دئییرسن، یاری‌یا بؤلوننلرین،
دردینی دۆنیادا بیر بیلمه‌ین یوخ.
بیز ده بؤلونموشوک، آنجاق بو دردی
اوجا کۆرسولردن هئچ بیر دئین یوخ.
یؽخیلار کناردان ایته‌لنن‌لر.
تکانی یاراداق اؤزوموز گرک.
یئنه ده "اولاریق همن خاک" اگر،
بیز اؤز ایچیمیزدن ایته‌لنمه‌سک.
خؽردا تپه‌لری سئللر اویاندا،
اسر بو حمله‌یه داغلار دا زاغ-زاغ.
بیز ده دردیمیزه آغلامایاندا،
بیزیم یئریمیزه کیم آغلایاجاق؟
گۆناهکار توتمایاق بوردا هئچ کسی،
دریلیب آیریلدیق بیز قونچا-قونچا.
آنا دا سۆد وئرمیر، جیگرپاره‌‌سی
ناله‌لر قوپاریب آغلامایینجا.
دئییرسن، سلاما جاواب آلمادین،
بولود توققوشماسا، بولودا نئیلر؟
منیم اؤز آدیمدیر سنین اؤز آدین،
اودو سو کئچیرر، اود اودا نئیلر؟
من دیزیمه دؤیوب زار-زار آغلادیم،
چؤللر گؤز یاشیمدان گؤلمه-گؤلمه‌دی.
قرانیت داغلاری دلن فریادیم،
تک آراز چایینی آشا بیلمه‌دی.
یۆز ایل، یۆز اللی ایل آغلادیق عبث،
آنجاق اریمه‌دی سینه داغلاری.
قارداش، بیلمه‌دیک کی، گؤز یاشی دلمز،
آرزونون اؤنونده دوران داغلان...
دۆنیادا هر شئیین بۆتؤوو گؤزل،
یاریمچیق سعادت دۆشمنین اولسون.
منه غم وئرسن ده، یان بؤلمه، گل،
سئوینج وئریرسنسه... قوی یقین اولسون.
هاملئت دوغرو دئییب: "یا اؤل، یا دا اول!"
ای!... یاری جانینلا دئمه کی، وارسان.
غمین ده تامینی ایسته‌ین اوغول،
بس یاری وطنده نئجه یاشارسان؟
هانی؟...
سورمادیلار - بس یاری جانیم؟
نیه اوجالتمیرسان عۆصیان سسینی؟
هله گؤرمه‌میشیک، آذربایجانین
بیر یئرده، بیز بۆتؤو خریطه‌‌سینی...
اوخودوق شعرینی گؤز یاشلاری‌یلا.
آتا مالی کیمی یاری‌یا بؤلدو،
قارداش عینی دردی قارداشلاری‌یلا.
یازدین، عینی دردی یاشایاق باهم،
قارداش قارداشی‌یلا هم‌فیکیر اولار.
سنین دۆشونجه‌ندی منیم دۆشونجه‌م،
دردلر بیر اولاندا فیکیر بیر اولار.
او آجی فریادلار، شیرین نفسلر
منیم ده کؤنلومون آهی، ناله‌سی!
قارداشیم، تبریزدن گلن بو سسلر
باکی‌نین سسیدیر، باکی‌نین سسی!
دئییرسن، یاری‌یا بؤلوننلرین،
دردینی دۆنیادا بیر بیلمه‌ین یوخ.
بیز ده بؤلونموشوک، آنجاق بو دردی
اوجا کۆرسولردن هئچ بیر دئین یوخ.
یؽخیلار کناردان ایته‌لنن‌لر.
تکانی یاراداق اؤزوموز گرک.
یئنه ده "اولاریق همن خاک" اگر،
بیز اؤز ایچیمیزدن ایته‌لنمه‌سک.
خؽردا تپه‌لری سئللر اویاندا،
اسر بو حمله‌یه داغلار دا زاغ-زاغ.
بیز ده دردیمیزه آغلامایاندا،
بیزیم یئریمیزه کیم آغلایاجاق؟
گۆناهکار توتمایاق بوردا هئچ کسی،
دریلیب آیریلدیق بیز قونچا-قونچا.
آنا دا سۆد وئرمیر، جیگرپاره‌‌سی
ناله‌لر قوپاریب آغلامایینجا.
دئییرسن، سلاما جاواب آلمادین،
بولود توققوشماسا، بولودا نئیلر؟
منیم اؤز آدیمدیر سنین اؤز آدین،
اودو سو کئچیرر، اود اودا نئیلر؟
من دیزیمه دؤیوب زار-زار آغلادیم،
چؤللر گؤز یاشیمدان گؤلمه-گؤلمه‌دی.
قرانیت داغلاری دلن فریادیم،
تک آراز چایینی آشا بیلمه‌دی.
یۆز ایل، یۆز اللی ایل آغلادیق عبث،
آنجاق اریمه‌دی سینه داغلاری.
قارداش، بیلمه‌دیک کی، گؤز یاشی دلمز،
آرزونون اؤنونده دوران داغلان...
دۆنیادا هر شئیین بۆتؤوو گؤزل،
یاریمچیق سعادت دۆشمنین اولسون.
منه غم وئرسن ده، یان بؤلمه، گل،
سئوینج وئریرسنسه... قوی یقین اولسون.
هاملئت دوغرو دئییب: "یا اؤل، یا دا اول!"
ای!... یاری جانینلا دئمه کی، وارسان.
غمین ده تامینی ایسته‌ین اوغول،
بس یاری وطنده نئجه یاشارسان؟
هانی؟...
سورمادیلار - بس یاری جانیم؟
نیه اوجالتمیرسان عۆصیان سسینی؟
هله گؤرمه‌میشیک، آذربایجانین
بیر یئرده، بیز بۆتؤو خریطه‌‌سینی...