"اؤزونوز شکیلی اولدوغونوز حالدا، هله
شکییه بیر شعر حصر ائتمهمیسینیز".
- بیر مکتوبدان
بیر نغمه قوشمادیم هله من سنه،
داغلار بونو منه کسیر سانماسین.
من دئدیم، وورغونام آذربایجانا،
دئییرم، هئچ زامان خؽردالانماسین
کؤنلومدن اوجالان بو آواز، بو سس.
بؤیوکدور، اوجادیر مسلکیم منیم.
بالا آناسینا "سئویرم" دئمز،
من ده دئمهمیشم، آ شکیم، منیم.
سن اؤز کئچمیشینی دایم قورودون،
بابامین شؤهرتی یاشاییر سنده.
بو عشقه عشق اولسون!
دۆننله بو گۆن
چیین-چیینهدیر کۆچهلرینده...
من سنه بورجلویام اؤز بالان کیمی،
چوخ دا کی شعریمده گؤرونمور آدین.
منیم اوخودوغوم نغمهلریمی،
منیم قولاغیما سن پؽچیلدادین.
شعریمین مایاسی - بو قاینار نفس
سنین اؤز چیچگین، سنین اؤز بارین.
شعریمده دیل آچیب دانیشیمی بس،
سنین بولاقلارین، گؤی چینارلارن؟
من هم باکیلییام، هم لنکرانلی،
گنجهلی، قوبالی، هم ناخچیوانلی.
شکیلی، شیروانلی، قاراباغلییام،
بۆتؤو وطنیمه بۆتؤو باغلییام.
من سنین قوینوندا گلدیم جاهانا،
منی بخش ائلهدین آذربایجانا.
همیشه من سنین هندورینده
اۆچان بیر قوشام.
بیر ائلده دوغولوب
خوشبختم کی، من
بؤیوک بیر وطنه اوغول اولموشام.