منو
منه نه وار؟
"بیزده بو سویوق قانلاری نئیلردین، الهی؟ " م. ع. صابیر
"منه نه وار؟!" دئدین.
دۆزمو دئدین سن؟
بیرلشیر آخیردا ان اوزون یوللار.
کنارا چکیلمه، بیل کی، بو گۆندن
بو گۆن منه وارسا، صاباح سنه وار.
داشقین بؤیرو اۆسته یؽخسا بیر داغی،
یانینداکی داغ دا اگیله‌جکدیر.
بو گۆن یئییلیرسه بیری‌نین حاقی،
صاباح دا سنینکی یئییله‌جکدیر.
بوزدان سویوق اولار ایلانین قانی،
اینسانسان!
او ایستی قانین بس هانی؟
دئ گؤرک، سن نئجه باخا بیلیرسن
گؤزونون اؤنونده تاپدانان حاقا؟
ندن آلیشماییر بدنین، ندن،
حاقسیز مشعل توتوب او یانان حاقا؟
نئجه اینسان دئییم، نئجه من سنه؟
قوی اؤولاد دئمه‌سین بو وطن سنه!..
اگر آدامسانسا... سئو آداملاری،
دئمه، بو، دوستومدور، او، دۆشمنیمدیر؛
دئمه، عزیزیمدیر ائو آداملاری،
دئ، من بو خالقینام، خالق دا منیمدیر.
دئمه، داش یایینیب قارداشا دگدی،
من ائله بیلدیم کی، داش داشا دگدی.
یوردون او باشیندا یؽخیلان کسین
آغری‌سی قلبینده گرک گؤینه‌‌سین!
ان بؤیوک دریانین بیردیر ساحیلی،
اونو هر طرفدن دؤیر دالغالار.
بیر بؤیوک وطنی، بیر بؤیوک ائلی
تاریمار ائیله‌یر "منه نه وار"لار.
آغاجلار قاتارلا جرگه‌لنیبدیر.
اونلار بیر-بیریندن چوخ اوزاقدادیر.
بوداقلار، یارپاقلار گؤروشمه‌سه ده،
کؤکلری بیر یئرده، بیر تورپاقدادیر!
"منه نه وار؟!" دئدین.
دۆزمو دئدین سن؟
بیرلشیر آخیردا ان اوزون یوللار.
کنارا چکیلمه، بیل کی، بو گۆندن
بو گۆن منه وارسا، صاباح سنه وار.
داشقین بؤیرو اۆسته یؽخسا بیر داغی،
یانینداکی داغ دا اگیله‌جکدیر.
بو گۆن یئییلیرسه بیری‌نین حاقی،
صاباح دا سنینکی یئییله‌جکدیر.
بوزدان سویوق اولار ایلانین قانی،
اینسانسان!
او ایستی قانین بس هانی؟
دئ گؤرک، سن نئجه باخا بیلیرسن
گؤزونون اؤنونده تاپدانان حاقا؟
ندن آلیشماییر بدنین، ندن،
حاقسیز مشعل توتوب او یانان حاقا؟
نئجه اینسان دئییم، نئجه من سنه؟
قوی اؤولاد دئمه‌سین بو وطن سنه!..
اگر آدامسانسا... سئو آداملاری،
دئمه، بو، دوستومدور، او، دۆشمنیمدیر؛
دئمه، عزیزیمدیر ائو آداملاری،
دئ، من بو خالقینام، خالق دا منیمدیر.
دئمه، داش یایینیب قارداشا دگدی،
من ائله بیلدیم کی، داش داشا دگدی.
یوردون او باشیندا یؽخیلان کسین
آغری‌سی قلبینده گرک گؤینه‌‌سین!
ان بؤیوک دریانین بیردیر ساحیلی،
اونو هر طرفدن دؤیر دالغالار.
بیر بؤیوک وطنی، بیر بؤیوک ائلی
تاریمار ائیله‌یر "منه نه وار"لار.
آغاجلار قاتارلا جرگه‌لنیبدیر.
اونلار بیر-بیریندن چوخ اوزاقدادیر.
بوداقلار، یارپاقلار گؤروشمه‌سه ده،
کؤکلری بیر یئرده، بیر تورپاقدادیر!