منو
هابیل سه‌گاهی
کمانه کامانا توخونان زامان
توفانمی هایقیردی، سئلمی چاغلادی؟
بدبخت بیر غریبین آه-آمانیندان
بلکه گؤی کیشنه‌دی، بولود آغلادی؟
دورنامی آیریلدی، اؤز قاتاریندان
اوبامی داغیلدی، ائل‌می تالاندی؟
زامانمی آیریلدی اؤز آخاریندان؟
اصلیمی هؽچقیردی، کرم‌می یاندی؟
کامانین قولوندا یاتان خاللارین
هر بیری غم یوردو، هیجران یوواسی.
بیر قولون اۆستونه جمع اولوب مین-مین
نسیمی عۆصیانی، واقیف نواسی.
اونداکی بو قۆدرت، بو سیرّ ندیر، نه؟
عذابلا، ذیلّتله دولودور بو قول.
آیلارا، ایللره، قرینه‌لره
بؤلونن تاریخین یولودور بو قول.
او ائنن، او قالخان سسلر، آوازلار
یاز باشی داغلارین سئلیدیر بلکه؟
کامانین باغریندا آغاران توزلار
یانان آرزولارین کۆلودور بلکه؟
بو سس، سؽناق اۆچون - غۆصّه‌نین، غمین
کؤنوللر ائوینه سیاحتیمی؟
بو سس، ایلک آتامیز قوجا آدمین
تکلیکدن گیلئگی، شیکایتیمی؟
بلکه سوسدورولان نئچه داهی‌نین
یارالی روحودور بو سس، بو ناله،
دانیشمیر... دۆشونور دریندن-درین
سؤزسوز نغمه‌لرله آغلاییر ائله.
هر خالی بنزه‌ییر بیر یانار کؤزه،
قؽغیلجیم سؽچراییر هر نفسیندن،
بو سسلر دانیشیر بلکه ده بیزه
آتشلر یوردونون فلسفه‌سیندن.
دئییرم، بو سسی دینله‌ینده من،
نیه دقیقه‌لر دؤنوب ایل اولمور؟
بو سسین اودونا، دئییرم، گؤرن
نیه بۆتون سسلر یانیب کۆل اولمور؟
بو سسدن اۆرگیم اولدو بیر تیکه -
باغریمین باشیندا یارادیر بو سس.
آیین جامالیندا قارا بیر لکه،
لاله‌نین کؤکسونده قارادیر بو سس.
یوخ! کاردیر قولاغی کایناتین دا،
ائشیده بیلسه‌یدی سویا دؤنردی.
سونسوز کایناتین سونسوز قاتیندا
ایشیقسیز اولدوز دا شؤعله‌لنردی.
بو آهمی، آمانمی اوجالیر یئردن،
یئر اؤز فریادینا اؤزو بئزدیمی؟
قوجا فۆضولی ده بو ناله‌لردن
نئی کیمی بند-بند کسیلمزدیمی؟
بو آغاج پارچاسی یانماییر اؤزو،
آنجاق اود-اوجاقسیز یاندیریر بیزی،
اودون آتشینه اود شان-شان اولور.
بو سسین اودونا آلیشار سو دا؛
آغاج هر آتشه آلیشان اولور،
بو نیه آلیشمیر بئله بیر اودا؟
هابیل! آی اینصافسیز، اۆرگیمیزی
یاندیریب یاخماقدا قصدین ندیر، نه؟
نیه یاندیریرسان آتشسیز بیزی؟
بو حاقی کیم وئریب، کیم وئریب سنه؟
توفانمی هایقیردی، سئلمی چاغلادی؟
بدبخت بیر غریبین آه-آمانیندان
بلکه گؤی کیشنه‌دی، بولود آغلادی؟
دورنامی آیریلدی، اؤز قاتاریندان
اوبامی داغیلدی، ائل‌می تالاندی؟
زامانمی آیریلدی اؤز آخاریندان؟
اصلیمی هؽچقیردی، کرم‌می یاندی؟
کامانین قولوندا یاتان خاللارین
هر بیری غم یوردو، هیجران یوواسی.
بیر قولون اۆستونه جمع اولوب مین-مین
نسیمی عۆصیانی، واقیف نواسی.
اونداکی بو قۆدرت، بو سیرّ ندیر، نه؟
عذابلا، ذیلّتله دولودور بو قول.
آیلارا، ایللره، قرینه‌لره
بؤلونن تاریخین یولودور بو قول.
او ائنن، او قالخان سسلر، آوازلار
یاز باشی داغلارین سئلیدیر بلکه؟
کامانین باغریندا آغاران توزلار
یانان آرزولارین کۆلودور بلکه؟
بو سس، سؽناق اۆچون - غۆصّه‌نین، غمین
کؤنوللر ائوینه سیاحتیمی؟
بو سس، ایلک آتامیز قوجا آدمین
تکلیکدن گیلئگی، شیکایتیمی؟
بلکه سوسدورولان نئچه داهی‌نین
یارالی روحودور بو سس، بو ناله،
دانیشمیر... دۆشونور دریندن-درین
سؤزسوز نغمه‌لرله آغلاییر ائله.
هر خالی بنزه‌ییر بیر یانار کؤزه،
قؽغیلجیم سؽچراییر هر نفسیندن،
بو سسلر دانیشیر بلکه ده بیزه
آتشلر یوردونون فلسفه‌سیندن.
دئییرم، بو سسی دینله‌ینده من،
نیه دقیقه‌لر دؤنوب ایل اولمور؟
بو سسین اودونا، دئییرم، گؤرن
نیه بۆتون سسلر یانیب کۆل اولمور؟
بو سسدن اۆرگیم اولدو بیر تیکه -
باغریمین باشیندا یارادیر بو سس.
آیین جامالیندا قارا بیر لکه،
لاله‌نین کؤکسونده قارادیر بو سس.
یوخ! کاردیر قولاغی کایناتین دا،
ائشیده بیلسه‌یدی سویا دؤنردی.
سونسوز کایناتین سونسوز قاتیندا
ایشیقسیز اولدوز دا شؤعله‌لنردی.
بو آهمی، آمانمی اوجالیر یئردن،
یئر اؤز فریادینا اؤزو بئزدیمی؟
قوجا فۆضولی ده بو ناله‌لردن
نئی کیمی بند-بند کسیلمزدیمی؟
بو آغاج پارچاسی یانماییر اؤزو،
آنجاق اود-اوجاقسیز یاندیریر بیزی،
اودون آتشینه اود شان-شان اولور.
بو سسین اودونا آلیشار سو دا؛
آغاج هر آتشه آلیشان اولور،
بو نیه آلیشمیر بئله بیر اودا؟
هابیل! آی اینصافسیز، اۆرگیمیزی
یاندیریب یاخماقدا قصدین ندیر، نه؟
نیه یاندیریرسان آتشسیز بیزی؟
بو حاقی کیم وئریب، کیم وئریب سنه؟