عاقیل - گؤز

یئرین لایلاری کیمی،
گؤیون قاتلاری کیمی
فیکریم آچیلیر هردن
گؤز اؤنومده قاتباقات.
شئیلرین ان کیچیگی –
آتوم ذرّه‌جیکلری،
ان بؤیویو - کاینات.
او دا گؤزله گؤرونمور،
بو دا گؤزله گؤرونمور.
بئله اؤتدو عصرلر،
طبیعتین وئردیگی
گؤز عاجیزمیش نه قدر...
اینسان او کیچیکلیگی،
اینسان او بؤیوکلوگو
گؤرمگه چوخ جان آتدی،
اؤزونه گؤز یاراتدی.
او، میکروسکوپ یاراتدی،
او، تلسکوپ یاراتدی.
چوخ احکاملار داغیلدی،
چوخ قورغولار پوزولدو.
عصریمیزده
عاقیل دؤندو گؤز اولدو.