منو
بو گۆن یئددین اولدو
آنام اؤلدومو؟
نه تئز اللرینی اۆزدون دۆنیادان،
بالانی تک قویوب هارا گئتدین سن؟
نئجه یوخ اولورموش بیر آندا اینسان،
ائله بیل دۆنیادا هئچ یوخ ایمیشسن.
گۆنش غۆروب ائتدی... اوتاق قارالدی،
بیر آندا یوخ اولدون سن خیال کیمی.
ایندی دۆشونورم: سندن نه قالدی،
کؤنلومده خاطیره‌ن قارا خال کیمی.
منی بویا-باشا یئتیردین، آنا
بیزه بورجلو بیلدیک هر زامان سنی.
سن منی دۆنیایا گتیردین، آنا،
منسه یولا سالدیم دۆنیادان سنی.
سن منه بئشیکده لای‌لای چالمیسان
بو گۆن لای‌لای چالیم سنه من ده می؟
سنین شیرین-شیرین لایلالارینی
من سنه قایتاریم جنازه‌نده‌می؟
"یوخون شیرین اولسون" - دئیردین منه،
"یوخون شیرین اولسون" - دئییم‌می سنه؟
گرک من باشینا دؤنم-دولانام،
منی حیات اۆچون
یاتیران آنام،
سؤیله اؤلومچون
نئجه یاتیریم
سنی من بو گۆن؟
بو نئجه دۆنیادیر، آنلامیرام من،
جیلوه‌سی جۆربه‌جور، رنگی جۆربه‌جور.
دۆنن نفسی‌یله سنی ایسیدن
بو گۆن بوزا دؤنوب، داشا دؤنوبدور.
بو نئجه دۆنیادیر،
اینسان اوغلونون
خیالی گؤیده‌دیر، اؤزو یئرده‌دیر،
ساغ ایکن چینینده حیاتین یۆکو
اؤلنده جسدی چیینلرده‌دیر...
بو نئجه دۆنیادیر، بو نئجه دۆنیا،
اؤلومو حقیقت، حیاتی رؤیا.
دردیمین، غمیمین سندین اورتاغی،
نیه اۆز دؤندردین، بس نیه مندن؟
"دردین منه گلسین!" - دئیردین آخی،
نیه درد جالادین دردیمه بس سن؟...
آنام، هئچ کس سنی اینجیتمه‌میشدیر،
من سنی،
من سنی اینجیدن قدر.
ایندی کیمه آچیم دردیمی بیر-بیر،
کیم منیم دردیمه یانار سن قدر؟
ائوین هر کۆنجونده گؤرونور یئرین.
گؤزوم آختارجیدیر، آنا، آی آنا.
"ننم هانی؟" - دئییر کؤرپه آذرین.
من نه جاواب وئریم اونا، آی آنا؟
بیلمیرم، بیلمیرم بو اؤلوم ندیر.
حیات وار ایکن؟
نفسین، آی آنام، هله ائوده‌دیر،
اؤزون یئر آلتیندا داشا دؤنموسن.
بو گۆن یئددین اولدو...
آنام، یئددی گۆن،
بیزیمله برابر آغلار اوتاقلار.
سنه،
یالنیز سنه،
سنه دئمکچون
کؤنلومده نه قدر منیم سؤزوم وار.
"کیملری چاغیراق بو گۆن یئددی‌یه؟
" خالالار، باجیلار سوروشور مندن.
آنامدان سوروشاق، او بیلر دئیه،
سنین اوتاغینا اۆز توتورام من.
آنام، تاپشیریلدین آنا تورپاغا،
بو اؤلوم، سینه‌مه چکدی داغ منیم.
سن منیم آرخامدا بنزردین داغا،
ائله بیل آرخامدان اوچدو داغ منیم.
قؽزیمین آدیدیر سنین اؤز آدین.
بو دا گؤز داغیدیر منه بو گۆن ده.
سون دفعه سن منه باخیب آغلادین.
صورتیم مزارا گئتدی گؤزونده...
عؤمرو باشا ووردون آلتمیش یاشیندا.
آلتمیشین اۆستونده دوروب یاشین دا.
آرتیق سنین اۆچون دایانان زامان
منیمچون دولانیر...
گۆن اولور آخشام.
واخت کئچیر، سن مندن اوزاقلاشیرسان،
من سنه گۆن‌به‌گون یاخینلاشیرام.
نه تئز اللرینی اۆزدون دۆنیادان،
بالانی تک قویوب هارا گئتدین سن؟
نئجه یوخ اولورموش بیر آندا اینسان،
ائله بیل دۆنیادا هئچ یوخ ایمیشسن.
گۆنش غۆروب ائتدی... اوتاق قارالدی،
بیر آندا یوخ اولدون سن خیال کیمی.
ایندی دۆشونورم: سندن نه قالدی،
کؤنلومده خاطیره‌ن قارا خال کیمی.
منی بویا-باشا یئتیردین، آنا
بیزه بورجلو بیلدیک هر زامان سنی.
سن منی دۆنیایا گتیردین، آنا،
منسه یولا سالدیم دۆنیادان سنی.
سن منه بئشیکده لای‌لای چالمیسان
بو گۆن لای‌لای چالیم سنه من ده می؟
سنین شیرین-شیرین لایلالارینی
من سنه قایتاریم جنازه‌نده‌می؟
"یوخون شیرین اولسون" - دئیردین منه،
"یوخون شیرین اولسون" - دئییم‌می سنه؟
گرک من باشینا دؤنم-دولانام،
منی حیات اۆچون
یاتیران آنام،
سؤیله اؤلومچون
نئجه یاتیریم
سنی من بو گۆن؟
بو نئجه دۆنیادیر، آنلامیرام من،
جیلوه‌سی جۆربه‌جور، رنگی جۆربه‌جور.
دۆنن نفسی‌یله سنی ایسیدن
بو گۆن بوزا دؤنوب، داشا دؤنوبدور.
بو نئجه دۆنیادیر،
اینسان اوغلونون
خیالی گؤیده‌دیر، اؤزو یئرده‌دیر،
ساغ ایکن چینینده حیاتین یۆکو
اؤلنده جسدی چیینلرده‌دیر...
بو نئجه دۆنیادیر، بو نئجه دۆنیا،
اؤلومو حقیقت، حیاتی رؤیا.
دردیمین، غمیمین سندین اورتاغی،
نیه اۆز دؤندردین، بس نیه مندن؟
"دردین منه گلسین!" - دئیردین آخی،
نیه درد جالادین دردیمه بس سن؟...
آنام، هئچ کس سنی اینجیتمه‌میشدیر،
من سنی،
من سنی اینجیدن قدر.
ایندی کیمه آچیم دردیمی بیر-بیر،
کیم منیم دردیمه یانار سن قدر؟
ائوین هر کۆنجونده گؤرونور یئرین.
گؤزوم آختارجیدیر، آنا، آی آنا.
"ننم هانی؟" - دئییر کؤرپه آذرین.
من نه جاواب وئریم اونا، آی آنا؟
بیلمیرم، بیلمیرم بو اؤلوم ندیر.
حیات وار ایکن؟
نفسین، آی آنام، هله ائوده‌دیر،
اؤزون یئر آلتیندا داشا دؤنموسن.
بو گۆن یئددین اولدو...
آنام، یئددی گۆن،
بیزیمله برابر آغلار اوتاقلار.
سنه،
یالنیز سنه،
سنه دئمکچون
کؤنلومده نه قدر منیم سؤزوم وار.
"کیملری چاغیراق بو گۆن یئددی‌یه؟
" خالالار، باجیلار سوروشور مندن.
آنامدان سوروشاق، او بیلر دئیه،
سنین اوتاغینا اۆز توتورام من.
آنام، تاپشیریلدین آنا تورپاغا،
بو اؤلوم، سینه‌مه چکدی داغ منیم.
سن منیم آرخامدا بنزردین داغا،
ائله بیل آرخامدان اوچدو داغ منیم.
قؽزیمین آدیدیر سنین اؤز آدین.
بو دا گؤز داغیدیر منه بو گۆن ده.
سون دفعه سن منه باخیب آغلادین.
صورتیم مزارا گئتدی گؤزونده...
عؤمرو باشا ووردون آلتمیش یاشیندا.
آلتمیشین اۆستونده دوروب یاشین دا.
آرتیق سنین اۆچون دایانان زامان
منیمچون دولانیر...
گۆن اولور آخشام.
واخت کئچیر، سن مندن اوزاقلاشیرسان،
من سنه گۆن‌به‌گون یاخینلاشیرام.