منو
بئشیک
م. زینال مۆعلّیمه
کندیمه گئتمیشدیم،
گزدیم هر یئری -
تزه کۆچه‌لری، تزه ائولری...
هر کؤهنه اوجاقدا، تزه بیر اوجاق...
روحوم تزه‌لندی، فیکریم اوجالدی.
تزه‌لیک گؤزلدیر، گؤزلریم آنجاق،
او کؤهنه یۆیروکده، بئشیکده قالدی...
بئشیک... نیشانه‌دیر اوشاقلیغیمدان،
کؤنلومده آه نه‌لر، نه‌لر اویاتدی.
بو تاختا بئشیکده آخی، بیر زامان
آنام دا، آتام دا، بابام دا یاتدی!..
بئشیک ایلک منزیلیم، ایلک یووام منیم،
لایلالار دۆنیاسی ایلک دۆنیام منیم.
بابامتک، آتامتک دۆنیایا من ده
آچدیم گؤزلریمی تاختا بئشیکده.
آنام بئشیگیمی ترپتمه‌ینده،
بیلردیم، کئشیکچیم یاتیب کئشیکده.
قویمازدیم آنامی آلا دینجینی،
دویمازدیم آنامم گۆل نفسیندن.
داداردیم دۆنیانین ایلک سئوینجینی
بئشیکدن آسیلان "شاخ-شاخ"لارلا من.
ائله بیلیردیم کی، دولانیر دۆنیا،
منیم بئشیگیمین باشینا آنجاق،
منیم دۆنیام ایدی اوشاقلیغیمدا
بیر آنام، بیر بئشیک، بیر ده او شاخ-شاخ!..
قارا گؤزمونجوغو سول بیلگیمده،
بئشیگین اۆستونده اۆزرریک، قرآن.
آنام قورویاردی منی بونلارلا
دۆنیانین هر جۆره بلالاریندان.
بیزیم آلا-بزک بو بئشیکلرده
اۆمیدلر، آرزولار، دیلکلر یاتیب.
قؽلینج چکمک اۆچون الَمه، درده
صابیرلر، نبی‌لر، بابکلر یاتیب.
اینسانین اینسانا محبّتینی، ای بئشیک،
ایلک دفعه بیز سنده دویدوق.
دۆنیانین ذؤقونو، سعادتینی
آنانین او ایلیق سۆدونده دویدوق:
لای‌لای دئدیم یاتاسان،
قؽزیل گۆله باتاسان،
قؽزیل گۆللر ایچینده
شیرین یوخو تاپاسان.
هوپدو روحوموزا بایاتیلاردان
نغمه‌یه بنزه‌ین لهجه‌لریمیز.
داددیق دیلیمیزین شیرینلیگینی
هله بلکده‌یکن بو بئشیکده بیز.
بئشیگین اۆستونه سپیلدی دن-دن،
قاینار چشمه‌لرین زۆمزومه‌لری.
آلدی اؤز کؤکونو بئشیگیمیزدن
اۆزئییر نغمه‌سی، فۆضولی شعری.
لایلانین هر خالی بیر اۆمید، گۆمان،
اونون آهنگینه قاینادی قانیم.
آنامین یانیقلی لایلالاریندان
سۆزولدو روحوما آذربایجانیم.
یوخسول بابالارین قارانلیق دامی
گۆلدو کؤرپه‌لرین گۆلوشلرینده.
آتدیق دۆنیامیزا بیز ایلک آددیمی
تاختا بئشیکلرین هندورینده.
دۆشدوک آرخاسینجا خوش خیاللارین،
آرزولار آییردی بیزی ده بیزدن.
اوزاق صفرلرین، بؤیوک یوللارین
اوّلی باشلاندی بئشیگیمیزدن.
چؽخدی قارشیمیزا گاه داغ، گاه دره،
حیات گؤزوموزده بیر سوال اولدو.
بیر بئشیگه سؽغان نسیمیلره،
سونرا جاهان اؤزو داریسقال اولدو.
بیزیم آنالارین لایلالاریندان
آخدی روحوموزا وطنین اؤزو.
بئشیک کؤکوموزدور... اوجالیب اوردان
تانیداق دۆنیایا اؤز کؤکوموزو!..
کندیمه گئتمیشدیم،
گزدیم هر یئری -
تزه کۆچه‌لری، تزه ائولری...
هر کؤهنه اوجاقدا، تزه بیر اوجاق...
روحوم تزه‌لندی، فیکریم اوجالدی.
تزه‌لیک گؤزلدیر، گؤزلریم آنجاق،
او کؤهنه یۆیروکده، بئشیکده قالدی...
بئشیک... نیشانه‌دیر اوشاقلیغیمدان،
کؤنلومده آه نه‌لر، نه‌لر اویاتدی.
بو تاختا بئشیکده آخی، بیر زامان
آنام دا، آتام دا، بابام دا یاتدی!..
بئشیک ایلک منزیلیم، ایلک یووام منیم،
لایلالار دۆنیاسی ایلک دۆنیام منیم.
بابامتک، آتامتک دۆنیایا من ده
آچدیم گؤزلریمی تاختا بئشیکده.
آنام بئشیگیمی ترپتمه‌ینده،
بیلردیم، کئشیکچیم یاتیب کئشیکده.
قویمازدیم آنامی آلا دینجینی،
دویمازدیم آنامم گۆل نفسیندن.
داداردیم دۆنیانین ایلک سئوینجینی
بئشیکدن آسیلان "شاخ-شاخ"لارلا من.
ائله بیلیردیم کی، دولانیر دۆنیا،
منیم بئشیگیمین باشینا آنجاق،
منیم دۆنیام ایدی اوشاقلیغیمدا
بیر آنام، بیر بئشیک، بیر ده او شاخ-شاخ!..
قارا گؤزمونجوغو سول بیلگیمده،
بئشیگین اۆستونده اۆزرریک، قرآن.
آنام قورویاردی منی بونلارلا
دۆنیانین هر جۆره بلالاریندان.
بیزیم آلا-بزک بو بئشیکلرده
اۆمیدلر، آرزولار، دیلکلر یاتیب.
قؽلینج چکمک اۆچون الَمه، درده
صابیرلر، نبی‌لر، بابکلر یاتیب.
اینسانین اینسانا محبّتینی، ای بئشیک،
ایلک دفعه بیز سنده دویدوق.
دۆنیانین ذؤقونو، سعادتینی
آنانین او ایلیق سۆدونده دویدوق:
لای‌لای دئدیم یاتاسان،
قؽزیل گۆله باتاسان،
قؽزیل گۆللر ایچینده
شیرین یوخو تاپاسان.
هوپدو روحوموزا بایاتیلاردان
نغمه‌یه بنزه‌ین لهجه‌لریمیز.
داددیق دیلیمیزین شیرینلیگینی
هله بلکده‌یکن بو بئشیکده بیز.
بئشیگین اۆستونه سپیلدی دن-دن،
قاینار چشمه‌لرین زۆمزومه‌لری.
آلدی اؤز کؤکونو بئشیگیمیزدن
اۆزئییر نغمه‌سی، فۆضولی شعری.
لایلانین هر خالی بیر اۆمید، گۆمان،
اونون آهنگینه قاینادی قانیم.
آنامین یانیقلی لایلالاریندان
سۆزولدو روحوما آذربایجانیم.
یوخسول بابالارین قارانلیق دامی
گۆلدو کؤرپه‌لرین گۆلوشلرینده.
آتدیق دۆنیامیزا بیز ایلک آددیمی
تاختا بئشیکلرین هندورینده.
دۆشدوک آرخاسینجا خوش خیاللارین،
آرزولار آییردی بیزی ده بیزدن.
اوزاق صفرلرین، بؤیوک یوللارین
اوّلی باشلاندی بئشیگیمیزدن.
چؽخدی قارشیمیزا گاه داغ، گاه دره،
حیات گؤزوموزده بیر سوال اولدو.
بیر بئشیگه سؽغان نسیمیلره،
سونرا جاهان اؤزو داریسقال اولدو.
بیزیم آنالارین لایلالاریندان
آخدی روحوموزا وطنین اؤزو.
بئشیک کؤکوموزدور... اوجالیب اوردان
تانیداق دۆنیایا اؤز کؤکوموزو!..