منو
ائله بیر فیکیر کی...
من فیکیر آجی‌یام، من فیکیر آجی،
فیکیر مؤحتاجی‌یام، فیکیر مؤحتاجی.
ائله بیر فیکیر کی، او منه رهبر،
من اونا عادیجه بیر عسگر اولوم.
اونون عشقی ایله دوغسون سحرلر،
من اونون یولوندا سفربر اولوم.
یئریمدن اویناتسین منی توپ کیمی،
جانیمدان چؽخارتسین عطالتیمی...
او فیکیر - اؤز یولوم، اؤز آدیم اولسون
او منیم ان مؤحکم قانادیم اولسون.
دؤنوب ایلدیریما، قوی وورسون منی،
اولدوزدان اولدوزا اوچورسون منی.
ائله بیر فیکیر کی، او منه جاندان
داها عزیز اولسون،
جان اونودولسون.
منیم گۆنلریمه بیر یؤن، بیر سۆکان،
منیم ایللریمه او، عۆنوان اولسون.
ائله بیر فیکیر کی، یانسین اود تکین
ظۆلمت ایچینده ده یول وئرسین منه.
ائله بیر فیکیر کی، گؤردوکلریمین
ایچینی، مغزینی گؤسترسین منه.
اونو سو کئچیریب، اود اریتمه‌سین،
یولوندا یای کیمی هئی گریلیم من.
عؤمرومون سونونا چاتسین، بیتمه‌سین،
اونو نوه‌مه ده وئره بیلیم من.
ائله بیر فیکیر کی، آرزو دا، کام دا
اونون هاواسی‌یلا بسلنسین مۆدام.
ائله بیر فیکیر کی، قولاقلاریمدا
دؤیوش نغمه‌سی تک سسلنسین مۆدام.
ائله بیر فیکیر کی، او گۆلن کیمی
حیکمتلر آچیلسین،
معنا دورولسون.
نه‌یه توخوندوسا، بیر ایکسیر کیمی
اونون دگرینی بیلدیرن اولسون.
ائله بیر فیکیر کی، تاپینیب اونا
یولونا گۆونیم،
غۆرّه‌لنیم من.
اوچوم او آمالین سونسوزلوغونا
زیروه‌لر باشیندا زیروه‌لنیم من.
گؤزه گؤرونمه‌ین عؤمور یولومدور
خیاللا، ایمانلا دولو فیکیرلر.
منیم سحریمین دان شفقلری –
صاباحین کؤرپوسو، یولو فیکیرلر!
ظۆلمتین ایچینده اولدوزتک یانار،
دنیزتک قوورولار، گؤلتک چالخانار،
آخیر منزیلینی بیر معبد سانار
مۆقدّس فیکیرلر، اولو فیکیرلر.
بعضاً ناله چکیب تؤکر گؤز یاشی
همیشه اؤزومله دورار یاناشی.
اؤزومون حاکیمی، سؤزومون باشی،
عشقیمین، آرزومون قولو فیکیرلر.
فیکیر مؤحتاجی‌یام، فیکیر مؤحتاجی.
ائله بیر فیکیر کی، او منه رهبر،
من اونا عادیجه بیر عسگر اولوم.
اونون عشقی ایله دوغسون سحرلر،
من اونون یولوندا سفربر اولوم.
یئریمدن اویناتسین منی توپ کیمی،
جانیمدان چؽخارتسین عطالتیمی...
او فیکیر - اؤز یولوم، اؤز آدیم اولسون
او منیم ان مؤحکم قانادیم اولسون.
دؤنوب ایلدیریما، قوی وورسون منی،
اولدوزدان اولدوزا اوچورسون منی.
ائله بیر فیکیر کی، او منه جاندان
داها عزیز اولسون،
جان اونودولسون.
منیم گۆنلریمه بیر یؤن، بیر سۆکان،
منیم ایللریمه او، عۆنوان اولسون.
ائله بیر فیکیر کی، یانسین اود تکین
ظۆلمت ایچینده ده یول وئرسین منه.
ائله بیر فیکیر کی، گؤردوکلریمین
ایچینی، مغزینی گؤسترسین منه.
اونو سو کئچیریب، اود اریتمه‌سین،
یولوندا یای کیمی هئی گریلیم من.
عؤمرومون سونونا چاتسین، بیتمه‌سین،
اونو نوه‌مه ده وئره بیلیم من.
ائله بیر فیکیر کی، آرزو دا، کام دا
اونون هاواسی‌یلا بسلنسین مۆدام.
ائله بیر فیکیر کی، قولاقلاریمدا
دؤیوش نغمه‌سی تک سسلنسین مۆدام.
ائله بیر فیکیر کی، او گۆلن کیمی
حیکمتلر آچیلسین،
معنا دورولسون.
نه‌یه توخوندوسا، بیر ایکسیر کیمی
اونون دگرینی بیلدیرن اولسون.
ائله بیر فیکیر کی، تاپینیب اونا
یولونا گۆونیم،
غۆرّه‌لنیم من.
اوچوم او آمالین سونسوزلوغونا
زیروه‌لر باشیندا زیروه‌لنیم من.
گؤزه گؤرونمه‌ین عؤمور یولومدور
خیاللا، ایمانلا دولو فیکیرلر.
منیم سحریمین دان شفقلری –
صاباحین کؤرپوسو، یولو فیکیرلر!
ظۆلمتین ایچینده اولدوزتک یانار،
دنیزتک قوورولار، گؤلتک چالخانار،
آخیر منزیلینی بیر معبد سانار
مۆقدّس فیکیرلر، اولو فیکیرلر.
بعضاً ناله چکیب تؤکر گؤز یاشی
همیشه اؤزومله دورار یاناشی.
اؤزومون حاکیمی، سؤزومون باشی،
عشقیمین، آرزومون قولو فیکیرلر.