سن اوش دؤردونجو مجلیسه نظر قؽل
گؤرون کیم، نهیه واریر اوشبو منزیل.
مگر سولطانی اول شهرین بغایت،
عجایب گؤرکلو ایدی بینهایت.
هنوز اوغلان ایدی، اون ایدی یاشی،
ولی کیرپیگی اوخ، یای ایدی قاشی.
یاراتمیش صۆنعی بیرله آنی چۆن حق
ملکدورور دئیهیدین آنی مۆطلق.
یۆزو گۆل، بویو سرو و بنزی لاله،
گؤزی نرگیس، قاشی بنزر هیلاله.
آتاسی دۆنیادان نقل ائتمیش ایدی،
آتا تاختینی کندی توتموش ایدی.
هنوز دخی دیری ایدی آناسی،
کؤنولدن یوخ ایدی ذرّهجه پاسی.
او روح-صالیحه مستوره-خاتون
نئچه توتساق اسیر آلمیشدی ساتون.
نئچه قوللاری آزاد ائیلهمیشدی،
یالین دونادیب آجلار تویلامیشدی.
آنین قاپیسینا واردی گۆلندام،
تاش ائشیکده اوتوردو قؽلدی آرام.
مگر قاپیچیلار آنی گؤرورلر،
شولوقدم خاتونا خبر وئرورلر.
دئدیلر گلدی بیر کیشی عبالی،
دورور قاپودا بیلمزیز نه حالی؟
ایچرو گیرمگهدیر مئیلی آنین،
بیلین حالین او خاتون-زامانین.
چؽخیب بیر خادیم آنی آلدی گلدی،
یۆزین توتوب گۆلندام تاپو قؽلدی.
اورو دوردو، سلامین آلدی خاتون،
ملیکزادهیدیگینی بیلدی خاتون.
آلیب یانینا، تاختینا چؽخاردی،
اولوب حئیران جامالینا باخاردی.
دئدی خاتون کی: نهدیر سؤیله حالین.
یوموب قۆرعه نئجه آچیلدی فالین؟!
دئدی: ائشیت، ائ خاتون-زمانه،
دئیم حالیمی گتیرم بیانه.
بؽچاق سؤگوگه ایردی نئیلهیهیین،
باری رازمی بیر-بیر سؤیلهیهیین.
باشیما بیر زاوال گلدی نئدهیین،
بیلیمزیم کی، قانجارو گئدهیین.
قؽزییام شاه-باغدادین بیلهسن،
گرک بو دردیمه درمان قؽلاسان.
دؤکولمهدیک دۆرور یۆزوم سویو هیچ،
یاووز نسنهیه کؤنلوم اولمادی پیچ.
دئدی خاتونا بیر-بیر حالینی قؽز،
نهیه اوغرادیغین، احوالینی قؽز.
حرامیدن نئجه قورتولدوغونو،
حرامییه نه ایشلر قؽلدیغینی.
دؤکردی قانلو یاشین آغلار ایدی،
باشینا گلنی شرح ائیلر ایدی.
قؽزین سؤزلرینی خاتون ائشیتدی،
ایچی آجیلدی چۆن بیر گز آه ائتدی.
دئدی کیم، حئیف ائی مستور، اؤزونه،
کی توز قونا ایدی اول گۆل یۆزونه.
هزه یازی ایدی کی، گلدی باشا،
ازلدن یازیلان پوزولا، حاشا.
دیریغا، گؤر نه یازیلمیش بو یازی،
نه ایشین ایدی گزمک داغی، یازی.
سونو خئیر اولا غۆصّه یئمه، جانیم،
کریم ائده کرم، ائی مهریبانیم.
گۆلندامی گؤنولدن سئودی خاتون،
دئدی: اولما ملول، ائی خوب-مؤوزون.
گۆلندام یۆزینی چۆنکیم آچاردی،
سارایین ایچینه شؤعله ساچاردی.
باخار ایدی خاتون آنین یۆزونه،
قالیر واله اول محبوب اؤزینه.
دئر ایدی کیم گئجه-گۆندوز آراسام،
سراسر دۆنیایی بیر-بیر داراسام.
بونون کیبی لطیف قاندا بولایدیم
کی، اوغلوما آنی کبین قؽلایدیم.
ائشیتدیک کیم آنین بیر خوب سۆلاله،
وار ایدی اوغلو ایریشمیش کماله.
یاشی اون یئدیسینده کندی مهرو،
یۆزون گؤرنده قالماز ایدی قایغو.
جامالی گۆنشه رؤونق باغیشلار،
ضیاسی عالمه مۆطلق باغیشلار.
هنوز ائولنمیش ایدی اول جوانباخت،
آتاسیندان آنا قالمیش ایدی تاخت.
نیشانلیسی وار ایدی، اؤلموش ایدی،
آناسی بو فیکیرده قالمیش ایدی.
شیراز ایقلیمی شاهییدی آتاسی،
ائورمک نیتیندهیدی آناسی.
گۆلفروخ ایدی آدی اول عیالین،
شیراز سولطانی اوغلو خوب جمالین.
آناسی آنی قاتینا قؽغیردی،
قؽزین وصفین آنا بیر-بیر دئگیردی.
دئدی: گلدی بیزه بیر خاتون اؤگردی
کی، یعنی اوغلونون گؤنلون اگردی.
دئر ایدی: یوخدور آنین هئچ نظیری،
آتاسی شهر-باغدادین امیری.
بولونماز حۆسن ایچینده آنا مانند
یۆزی گۆلدور، سؤزو بۆلبول کیبی قند.
گۆلفروخ آیدین آنا: گؤستر آنی،
گؤرهیین بن دخی بیر ائنی کانی.
دئدیگین دنلو وارمیدیر گؤرهیین،
اگر جانوم سئوه، گؤنول وئرهیین.
دئدی خاتون: یۆرو وار کؤشکینه چؽخ،
قامو پنجرهلرین ائیله آچیق.
بن اول محبوبهنین الین آلایین،
سنین حضرتینه قارشو گلهیین.
تفرّوج ائیله کؤشکوندن گؤرهسین،
نئجه محبوبهدیر اول جان پاراسین.
گۆلفروخ شاه یوخارو تاختا چؽخدی،
آچیب پنجرهلرین تاشرا باخدی.
آلیر خاتون گۆلندامین الینی،
گلیر سروی دالی کیبی سالینی.
ساناسان طاووس ایدی باغ ایچینده،
یا حوری قؽزیدیر اوچماق ایچینده.
بویو بنزر ایدی سروی، چیناره،
یۆزو گۆله، یاناغی گۆل-ناره.
گۆلفروخ گؤردی چۆن آنین جامالین،
تفرّوج قؽلدی اول حۆسن-کمالین.
گۆلندام گؤنلون آنین قؽلدی یغما
گۆلفروخ شاهه دۆشدی عشق-سئودا.
یئنه خاتون آلیب گئتدی نیگاری،
گۆلفروخون گئدر صبری، قراری.
هامان دم دایهسینی دریب ایدی،
آلین، گلین آنامی بورا، – دئدی.
اوخودولار آناسی گلدی شاهه،
گؤرور اوغلانی دۆشموش دۆرلو آهه.
دئدی: آنا گؤروب سئودیم بن آنی،
آنین عشقی بولوبدور کؤنلو، جانی.
بو دردین دئ نهدور نهیه ساتاشدین
کی، بو عشق اودونا یانیب توتاشدین.
بیر-ایکی آی صبر ائیله گؤرهلیم،
آتاسینا دا خبر گؤندرهلیم.
ائشیتسین آتاسی دخی سئوینسین،
قؽزینین غۆصّهلریندن آوینسین.
گۆلفروخ دئر: بؽچاق سؤگوگه ایردی،
نه صبر ائدهم، چۆ فۆرصت اله گیردی.
بیر ایش وار کیم، آنی تعجیل ائدرلر،
بیر ایش وار کیم، آنی تعجیل ائدرلر.
چۆ خاتون اوغلونو گؤردی بو حالدا،
گؤنول گئتمیش، گؤزو قالمیش خیالدا.
شولوق ساعت گئنه گلدی سارایا،
نیگاریله اوتوردو بیر آرایا.
دئدی: ائی خوبلارین جانانی سنسن،
گلین ائدینیرم سنی، نه دئرسن.
مثلدیر سئوهنی سئومک گرکدیر،
ائیی نیتلره ایرمک گرکدیر.
گۆلندام بونلارین فیکرینی بیلدی،
باش آشاغی اگیب فیکیره دالدی.
حیاسیندان قؽزاردی، ائیله ترلر،
ساناسان کیم، گۆله دۆزولدو دۆرلر.
دؤنوب دئدی کیم ائی خاتون-سرور،
هۆما ایدیم ولی اوش تؤکموشم پر.
غریبم، میسکینم، شیمدی یئتیمم،
آنا لایق اولاسی بن دئگیلم.
خۆصوصاً کیم بنه بیر کیشی دۆشمان،
اگر بولسا بنی هئچ وئرمز آمان.
اولا کیم، عاقیبت بیر گۆن گله اول،
ایکن ظالیمدورور بیر ایش قؽلا اول.
بنیم اوجومدان اول شهزادهیه بیر
الَم ایریشه، بودور فیکر-تدبیر.
بنیم خود بو فراقوم بنه یئتر،
مرض اولا ایچیمه دخی بئتر.
دئدی خاتون: نه جانی وار گله اول
کی، بیزیم قاپیمیزا اول بولا یول.
اگر قول اولوبان اوچار اولورسا،
دنیزلر آشیبان کئچر اولورسا.
گلیمز بوندا ائی خوبلار گۆزینی،
کئییک باسماز اولو آرسلان ایزینی.
گۆلندام دخی سؤیلهمهدی تکرار،
حقیقت دینمهمکلیک اولور ایقرار.
روان موشتیلادیلار شاها آنی
گۆلفروخ ائشیدیب شاد اولدی جانی.
بویوردولار یاراغ ائدین دۆگونه،
خبر اولدو دۆکهلی ائله، گۆنه.
اولو، کیچی آنی قاموسو بیلدی،
دۆگون قوتلولاماغا جۆمله گلدی.
بدخشانین شاهی هم آندا گلدی،
گۆیهگویه ده آندا ساغدیج اولدی.
اولو بگلر قامو کئچدی اوتوردو،
نقیبلر اول ساعات خونلار گتیردی.
یئمکلر گلدی آندا دۆرلو الوان،
دنه، پیرینج و زرده حۆبّ-رمّان.
گرکجه بیشدی قلیه و بورانی،
شو دنلو دؤکدیلر یوخدور اورانی.
گلیر دانه و ایریشیر حریصه،
دخی زرده و هر نه آش اریسه.
کئییک و داوشان، ککلیک اتی بول
قونولدو دؤرد یانا خوش ساغ ایله سول.
دولو نعمت گۆموش، آلتون چاناقلار،
سینیلر، تپسیلر، بیر-بیر تاباغلار.
بونا بنزر دخی چوخ دۆرلو مئیوه
شکر، بادام، گۆلاب و شیر و خورما.
چالینیردی نئی و دمبور و تنبور
ایچیلیر ایدی دولو آب-انگور.
یئمک-ایچمک، دلیم عیشرتلر اولدو،
سؤز اؤگوش، قؽرخ دۆن و گۆن تویلار اولدی.
تاماشا و دۆگون صؤحبتلر اولدی،
دۆگون آخیرا ایردی و داغیلدی.
گۆلفروخ اول گئجه گردگه گیردی،
گۆلندام ایکرام ائدیب دورو گلدی.
زئهی دؤولت بو گز بولدی ایکی شاه،
گۆنش قوینونا گیردی اول یۆزو ماه.
جواهیر معدنی گنجه ساتاشدی
دیرکسوز بیر گۆلو گۆلزارا دۆشدی.
بولوشدو بۆلبول ایله گۆلستانی،
سوروشدو طوطیله شکّرستانی.
ساناسین آنلارین فیریشته بیری،
بیری سانکیم بهیشت ایچینده حوری.
چۆ هر لذّت کی بال یاغا قاریشدی،
اؤپوشدی و قوجوشدی و سوریشدی.
دولاشدی سروی دالینا صنوبر،
بولوشدو اول ایکی بدر-مۆنوّر.
صاباحادک بولار هئچ گؤزلرینی
اویومادی یوموب نرگیزلرینی.
مۆنوّر اولدو جۆمله صبح-صادق
وۆحوشه گلدی چۆن اینسان-ناطیق.
قامو بگلر گؤرو قاپییا گلدی،
دیوان باغلاندی و جۆمله جمع اولدی.
گۆلفروخ شاه سۆوار اولدی آتینا،
بیله ساغدیجی حمّام نیتینه.
گلیب حمّام ایچینده یوندیلار خوش،
چۆن ایشلر حاصیل اولدو دؤندیلر خوش.
گۆلفروخ شاه سارایا گئری گلدی،
گۆله-گۆله الین-الینه آلدی.
ال آلیشیب یئنه تاختا چؽخارلار،
یئنه عشق اودونو جاندا یاخارلار.
قونوشدو شمس ایله چۆن ماه-تابان
بیری بیلقئیس، بیری سانکیم سلیمان.
بویوردو چۆنکی قوناقلار اوتوردو
مۆغنّیلر ال ابریشیمه اوردو.
گلیر آغازه دۆرلو صؤوت-پرده
ائشیدنلر بولور درمانی درده.
عیراق و ایصفاهان، نووروز و شاهناز
ائدردی بیر-بیرینه ایکی شاه ناز.
نۆهوفتی و حۆسئینی و هیجازی
دیله گلیب چالاردی دۆرلو سازی.
هم اون ایکی مقامی سئیر ائدرلر
دوازده و شئشونی دئیر ائدرلر.
نهوفت ائیلهییبن چنگی دیزیلدی،
قوپوز و شئشته آوازی دۆزیلدی.
دۆهنگ آوازینین وزنی بلیردی،
اینیلتی ایله نای نفرین قؽلیردی.
شو کیمسهلر چالاردی اودی، تمبور
گؤزل محبوبهلر هر بیریسی حور.
بئش-اون گۆن چۆن بولار عیشرتلر ائتدی
ائشیت گل معنییی، آنلا کی، نئتدی.
مگر بیر گۆن گۆلندام آیدار: ائی شاه،
بیلیب سیرّینی بندن اولگیل آگاه.
بویور کیم، بیر اولو کؤشک ائیلهسینلر،
خانالار بیری بیر اۆزره قوسونلار.
دخی قؽرخ آیاق اولسون نردیبانی،
دلیم ترتیب ایله دۆزسونلر آنی.
آیاقدان-آیاغا بیر قول اوتورسون،
الینده هر بیری حربه گؤتورسون.
ایکی صۆفّه یاپیلسین تاش قاپودا،
ایکی آرسلان مۆدام دورسونلار آندا.
بیر-ایکی قول دا آندا حاضیر اولسون،
اول آرسلانلارا دایم ناظیر اولسون.
بو ایش بیتمزسه، کؤنلوم ساکین اولماز،
یۆزوم گۆلرسه، جانیم بیل کی، گۆلمز.
گئجه-گۆندوز بیزی خوش بکلهسینلر،
حرامینین شریندن ساخلاسینلار.
گۆلندام چۆنکی بو سؤزلری دئدی،
گۆلفروخ شاه آنین قئیدینی یئدی.
بویوردو چۆنکی معمارلار دریلدی،
بیر اولو کؤشک ایچون بۆنیاد اورولدو.
گئجه و گۆندوز اوستادلار دوروشور،
یاخین گۆنده تامام اولور ایریشور.
یوجا، مؤحکم، مۆرتّب خوش دۆزیلدی،
مۆصوّر نقش ایچی، تاشی یازیلدی.
ازیلدی لاجیورد ایله دلیم رنگ،
مۆذهّب ایشلری گؤرن قالیر دنگ.
ختایی یاپراغیله رومی شمسه
یازیلدی گؤرمهدی اول رسمه کیمسه.
هم آلتون ایدی هر بیر پنجرهسی،
آغ اینجیدن بزندی هر یؤرهسی.
فۆسوسکاری دؤشندی فرشی دۆپدوز.
کیم، آنین کیبی صنعت گؤرمهدی گؤز.
قؽزیل، آلتون ایدی هم شادروانی،
گۆموش حؤوضا آخار آنین روانی.
زبرجددن هم اؤردکلر دۆزیلدی،
کنارینا سویون چئوره دیزیلدی.
مۆصنّیفلر دلیم رسم اورموش ایدی،
حریردن پردهلر کیم گرمیش ایدی.
نه کیم گؤز وار ایدی هپ (سی) قورولدو
تامام اولدی و هم بۆنیاد اورولدو.
گۆلفروخ شاه گۆلندام ایله شادان
چؽخار کؤشکه اول ایکی ماه-تابان.
گؤرورلر جۆمله ایش یئرلی یئرینجه،
بین آرتوق اولدی آنلار دئدیگینجه.
بو ترتیبی گؤروب شادی قؽلورلار،
گزیب سئیران ائدیب گئرو گلورلر.