ایکینجی وزیرین گلیب پادشاها شیکایت ائتمه‌سی

سحر چۆن صبح صادق آشیکاره،
گؤرونمز اولدو گؤیلرده سیتاره،
وار ایدی پادشاهین بیر وزیری:
کی، اونون یوخ فصاحتده نظیری.
دئمزدی خئیر، اول بدروی، بدخواه،
گلیب سولطان یانینا چکدی بیر آه.
مۆعیّن بیر حیاسیز، آدی بهروز،
سانارسان سپدی شاهین زخمینه دوز،
دئدی اول دم دریغا، حئیف افسوس!
دخی قالمادی بیزده ننگ و ناموس؟
شها! اؤلدورگینن بو بختیاری!
بو بدبخت و خسیس و بی‌ووقاری.
نئچه بو دۆرّودور، سؤزو تۆکنمز،
بو اؤلمزسه سنی کیمسه به‌ینمز.
بو نؤعو چوخ دئدی بهروز چندان،
کی، دؤندو غئیرتیندن اودا سولطان.
تۆکندی طاقتو، صبر و قراری،
بویوردو: حاضیر ائدین بختیاری!
دئدی سولطان: کیم ای مردود درگاه!
کی، حاقدیر دوز اکمک، اول گل آگاه!
دئدی: بیلیرمیسن بو نه دئمکدیر؟
گیریفتار ائله‌ین نان و نمکدیر!
سنی بو درده سالدی چرخ-دؤران،
کیم، اونا یوخ، اولونماز هئچ درمان،