بختیارین پادشاها جاواب وئرمه‌سی

دئدی پس بختیار: ای شاهی سرور!
همیشه دؤولتین بادا مۆیسّر.
مۆسلّم سنه تاج و تخت-شاهی،
مۆقرّر اولا ازمه، تا بماهی.
نگینین اولا چۆن نخشی سلیمان.
مۆطیع اولسون سنه دیوان و اینسان.
کی، صبر ائیلر هر ایشده عاقیل اولان،
کی، صبر ائیله‌مه‌ین اولور پئشیمان.
کی، صبر ائدن یئتر آخیر موراده،
قالیر بی‌صبر سرگردان آراده.
اگر صبر ائیلیئیدی اول بازیرگان،
نؤشون فعلیندن اولوردو پشیمان؟
شیتاب ائیله‌دی، دۆشدو جۆستوجویه،
ایکی اوغلون اونونچون سالدی سویه.