بختیارین پادشاها جاواب وئرمهسی
دئدی پس بختیار: ای شاه-والا!
سنین اولسون پناهین حق-تعالی.
یامانین اولماسین ای شاه-کامیل!
یامان اولماز شاها صبر و تحمّول.
تحمّول ائیلهمک رحمان ایشیدیر،
کی، تعجیل ائیلهمک شئیطان ایشیدیر.
نئجه کیم صبر قؽلدی مرد-صابیر،
هامی مطلوبی حاصیل اولدو آخیر.
کی، صبر ائتدیگی اۆچون اونو الله،
چؽخاریب چاه ایچیندن، ائیلهدی شاه.
دئدی: سولطان کیمی ایدی اول دیلفکار؟
کی، صبر ائتدی نئجه کیم گؤردو آزار.
اونون مسکنی نئیشه چاه اولدو،
نئیشه چاهدان چؽخیب اول شاه اولدو؟