دؤردونجو وزیرین پادشاهین یانینا گلمه‌سی

وزیرین بیری گلدی چاریمین روز،
ایشی بدگولوق ایدی، آدی شهروز.
شهه سجده قؽلیب شهروز بدبخت،
دئدی: – یوخ، پادشاهیم سنده غئیرت،
نه سؤزلر گؤر کئچر خلق آراسیندا،
نئشه سن ساخلییاسان بونو زینده.
مگر یوخدور سنینچین، دوست-دۆشمن؟
اوتانیب بیر حیا ائتمزمیسن سن؟
دئدی، نئچه تعروضگونه سؤزلر،
کی، سولطان باغرینا یاپیشدی کؤزلر.
آجیقلاندی، روان حؤکم ائتدی سولطان،
گتیردیلر اونو اوفتان و خیزان.
دئدی: ای بختیار-بخت-قاره!
بو گۆن اولان گرک سن پاره-پاره!
نئجه ائدیم سنی زینداندا محبوس،
منیمچون قالماییبدیر ننگ و ناموس.
سنین صبریله ایشین اولماز آسان،
اؤلومدن غئیری یوخ دردینه درمان.