حذر قیل، داشه چالما تیشه نی فرهاد شیدا تک

بقا ملکون دیلرسن، وارینی یوخ ائیله دنیا تک.
اتک چک گؤردوگوندن آفتاب عالم آرا تک.
تعلق ظلمتین تجرید خورشیدینه قیل مطلع،
اگر عالمده بیر گون گؤرمک ایسترسن مسیحا تک.
کؤنول هر صورت شیرینه وئرمه، ایچ مئی معنی،
حذر قیل، داشه چالما تیشه نی فرهاد شیدا تک.
رفیقین اولسا دل سیز جانور، هم ساخلا راز اوندان،
ساقین، سرّین دوشورمه دل لره مجنون رسوا تک.
بیر طاوس تک عجب ایله قیل آرایش صورت،
وجودیندن کئچیب، عالمده بیر آد ایله عنقا تک.
گوهر تک قیلما تغییر طبیعت دلسه‌لر باغرین،
قرار ائت، هر هوادن اولما شورانگیز دریا تک.
فضولی، کاینات اسبابی نین قیلدیم تماشاسین،
ندامت سیز تنعّم یوخ، تصرف سیز تماشا تک.