سلیمان مسندیندن دیو گومره رغبتین کسدین

صبا، لطف ائتدین، اهل درده درماندان خبر وئردین،
تن مجروحه جاندان، جانه جاناندان خبر وئردین.
خزان غمده گؤردون اضطرابین بلبل زارین،
باهار ایامی تک گلبرگ خنداندان خبر وئردین.
سؤزونو وحی منزل گر دئیرسم من هیچ کفر اولماز،
جهانی توتموش ایکن کفر، ایماندان خبر وئردین.
دئدی لر یار، عشاقین گلیر جمع ائتمه یه کؤنلون،
مگر کیم، یاره عشاق پریشاندان خبر وئردین؟
سلیمان مسندیندن دیو گومره رغبتین کسدین،
دنیزده خاتم حکم سلیماندان خبر وئردین.
فضولی، روزگارین تیره گؤردون شام هجرانداه،
نسیم صبح تک خورشید رخشاندان خبر وئردین.