اولسون زیاده رفعتین، ای آه آتشین

ای مه، منیمله دوست لریم دشمن ائیله دین،
دشمن هم ائیله مز بو ایشی کیم، سن ائیله دین.
پیکانلارینلا دولدو تنیم، آفرین سنه
بیداد چکم یله تنیمی آهن ائیله دین.
تحسین سنه کی، کؤنلوم ائوین تیره قویمادین،
هر زخم ناوکین اونا بیر روزن ائیله دین.
اولسون زیاده رفعتین، ای آه آتشین،
محنت سرامیزی بو گئجه روشن ائیله دین.
اکسیلمه سین طراوتین، ای اشک لاله گون،
گل گل دامیب مقامیمیزی گلشن ائیله دین.
جان چیخسا، منزل ائتمه یه ائو توت حباب دن،
ای گؤز یاشی کی، قصد بنای تن ائیله دین.
ممکن دئگیل، فضولی، جاهاندا اقامتین،
بیهوده سن بو مرحله ده مسکن ائیله دین