دادخواهم سنه، دامن نه چکیرسن مندن

قییمادین ساکن کویین اولانا پیکانین،
بیر ایچیم سو ایله آغرلامادین مهمانین.
ناوک غمزه دریغ ائیله‌مه عاشق لردن،
کسمه ارباب وفادن نظر احسانین.
ایستیین جان ایدی، خاک رهینه تاپشیردیم،
یئتدی اول خود یئرینه، شیمدی ندیر فرمانین؟
جانی یئتدیم الم هجرین ایله، ای ظالم،
رحم قیل، جانین ایچون، وار ایسه بیر درمانین.
دادخواهم سنه، دامن نه چکیرسن مندن،
یوخمو وهمین کی، توتام حشر گونو دامانین؟
ظالم اولسان نه عجب، یوخ سنه دوزخ وهمی،
سنه خود یئتمه یه جک دیر سنین اؤز هجرانین.
روان ایامی روان ایلمدین یاره فدا،
ای فضولی، غم هجران ایله چیخسین جانین.