فتنه اهلی اولانین

داغ هجران ایله یانماقدان جگر قان اولسا یئی،
ملک دل غم منزلی اولونجا، ویران اولسا یئی.
یاری اغیارایله گؤرمک عاشقه دشوار دور،
بؤیله گؤرمک دن اسیر درد هجران اولسا یئی.
سینه مه پیکانینی گؤندر کؤنول دفعینه کیم،
سینه ده سوزان کؤنول اولونجا پیکان اولسا یئی.
سرّی رسوالیغم فاش ائتمه دن عالم لره،
زار جسمیم اشک گردابیندا پنهان اولسا یئی.
داغیدیرسا، نولا، عقد زلفونو هردم صبا،
فتنه اهلی اولانین جمعی پریشان اولسا یئی.
دون فضولی سهو ائدیب، کئچمیش مئی و محبوب دن
توبه ائدیب، بو یامان ایشدن پشیمان اولسا یئی.