نه ملک سن کی، خراب ائتدین ائوین شیطانین؟

دهنین دردیمه درمان دئدی لر جانانین،
بیلدی لر درد دلیم، یوخدور دئدی لر درمانین.
اولسا محبوب لرین عشقی جهنم سببی،
حور و غلمانی قالیر کندی سینه رضوانین.
کئچدی میخانه دن ائل، مست مئی عشقین اولوب،
نه ملک سن کی، خراب ائتدین ائوین شیطانین؟
ورمازام صحت ایچون مرهم اوخون یاره سینه،
ایسترم چیخمایا ذوق الم پیکانین.
نه بیلیر اوخومایان مصحف حسنون شرحین،
یئره گؤگ دن نه ایچون ائندیگینی قرآنین.
یئردن، ای دل، گؤگه قوموشدو سرشکیم ملکی،
اوندا هم قویمایاجاق دیر اولاری افغانین.
ای فضولی، اولوبام غرقۀ گرداب جنون،
گؤر نه قهرین چکیرم دؤنه دؤنه دورانین