راز عشقین

شمع رویین آفتاب عالم آرا دیر سنین،
نور حق خورشید رخساریندا پیدا دیر سنین.
سن سن اول جوهر کی، درج ممکنات ایچره بو گون،
ممکن اولان عیبدن ذاتین مبرا دیر سنین.
جان وئریر لعلین تمناسیندا مین آب حیات،
فیضینه لب تشنه یوز خضر و مسیحا دیر سنین.
سرو و گل نظاره سین نئیلر سنه حیران اولان
کیم، قدین سرو رخون گلبرگ رعنا دیر سنین.
راز عشقین خلقدن قیلماق نهان ممکن دئگیل،
عاشقین اول وجه دن عالمده رسوا دیر سنین.
قیلدی شوقون اشک غواص گؤزوم مردم لرین،
ای دور تر، منزلین گویا بو دریا دیر سنین.
جمله عشاق اهلیدن چکمیش تعلق دامنین،
تا فضولی خسته یه وصلین تمنا دیر سنین