داغ هجرانین اودون بنزتمک اولماز دوزخه

اؤیله رعنا دیر، گلوم، سرو خرامانین سنین
کیم، گؤرن بیر کر اولور، البته، حیرانین سنین.
کاکیلین تک باشنا حرکمک ایستر خاطریم،
ای من و یوز من کیمی سرگشته قربانین سنین.
عارضین دورونده جمعیتدن اولسون نا امید
اولمایان آشفتۀ زلف پریشانین سنین.
چون عجب دیر لعله گویالیق، نه معجزدور بو کیم،
ائیلر اظهار سخن لعل دور افشانین سنین.
چرخ یاییندان آتدی جانیما تیر اجل،
لیک اوندان تیزرک ترپرندی مژگانین سنین.
داغ هجرانین اودون بنزتمک اولماز دوزخه،
اولماسین کافر اسیر داغ هجرانین سنین.
ای فضولی، اؤیله کیم، بیمار درد عشق سن،
یوخدورور اؤلمک دن اؤزگه هیچ درمانین سنین